Qazaqstan • 02 Qazan, 2019

Almatyda TMD elderiniń qaýipsizdigi talqylandy

33 ret kórsetildi

Almatyda Úılestirýshi ortalyǵynyń TMD-ǵa qatysýshy memleketteri Qorǵanys mınıstrliginiń radıasııalyq, hımııalyq jáne bıologııalyq qaýipsizdigi áskerleri basshylarynyń 10-shy otyrysy ótti. Bul týraly mınıstrliktiń baspasóz qyzmeti habarlady.

Armenııa, Belarýs, Qazaqstan, Qyrǵyzstan, Reseı, Tájikstan elderi Qarýly Kúshteriniń delagasııasy men TMD qorǵanys mınıstrligi keńesiniń hatshylyǵy zamanaýı jaǵdaılardaǵy RHB qaýipsizdiginiń basty qaýipterin talqylady. Odan basqa, TMD-nyń biriktirilgen radıasııalyq, hımııalyq jáne bıologııalyq ahýaldary damýynyń basty baǵyttary anyqtaldy jáne ózara is-qımyl jospary naqtylandy.

Kezdesýdi qorytyndylaı kele, TMD elderi Qarýly Kúshteriniń radıasııalyq, hımııalyq jáne bıologııalyq qaýipsizdigine baǵyttalǵan kelissóz tabysty ótti.

Radıasııalyq, hımııalyq jáne bıologııalyq qorǵanys basshylarynyń Úılestirýshi komıteti 2008 jyly qarashada quryldy. Jıyn jyl saıyn álippedegi kezek rettiligimen árbir memleket qatysýshylary ótkizedi. О́tken jyly talqylaý Mınsk qalasynda boldy.

Úılestirýshi komıtet kelisimsharttaǵy qatysýshy memleketterdiń aýmaǵynda radıasııalyq, hımııalyq jáne bıologııalyq ahýalǵa kúndelikti baqylaý júrgizýdi, ózge memleketterdiń aımaǵynda ahýaldyń ózgerýi jáne radıoaktıvti zattardyń, ýly hımıkattar men bıologııalyq quraldardyń taralýyndaǵy qaýiptilik týraly aqparattardy atalǵan memleketterdiń áskerı basqarý organdaryna ýaqytyly jetkizý syndy birqatar mindetterdi atqarady.

Budan basqa, komıtet áskerlerdiń jaýyngerlik daıyndyǵyn joǵarylatýdy, aqparat almasýdyń nysandary men ádisterine biryńǵaı tásilderdi ázirleýmen aınalysady. Jedel esepterdi júrgizý ádisterin, sondaı-aq birikken júıeniń jumys isteýiniń normatıvtik quqyqtyq bazasyn jetildirýdi oryndaıdy.

Atalmysh komıtet quramyna kiretin memlekettermen turaqty negizde TMD-nyń jaǵdaıynda radıasııalyq, hımııalyq jáne bıologııalyq birikken júıesi áskerleriniń ózara is-qımyldaryn pysyqtaıtyn birlesken jattyǵýlar men jıyndar júrgiziletinin aıta ketken jón.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar