Podpolkovnık Qajymurat Almabekovtyń tóraǵalyǵymen ótken sharaǵa oblystyq «Din salasyndaǵy máselelerdi zertteý» ortalyǵy dırektorynyń orynbasary Áıgúl Áli, jazýshy, jýrnalıst Mádı Aljanbaı, dintanýshy Qanat Mútebaev qatysty.
- Erte zamannan qazaqy dástúrimizben bite qaınasqan asyl dindi dáripteý, ǵasyrdan ǵasyrǵa qanymyzda tasyp, júregimizde týlap jatqan izgi adamı qasıet-qundylyqtardy qaıta túletý arqyly ulttyq bolmysymyzdy joǵaltpaý, tarıhyn tereńge tarta jaıǵan mádenıetimiz ben ádebıetimizben, salt-dástúr, ádet-ǵurpymyzdy nasıhattap, sondaı-aq dinı saýattylyqty arttyrý arqyly teris pıyǵyldy dinı aǵymdardan saqtaný joldaryn basty maqsat-múddesine aınaldyrǵan «Rýhanı kerýen» shara barysynda tyńdarmandar arasynda salıqaly áńgime órbitti. Onda memlekettegi dinı ahýal jaıy, qoǵamdy jaılaǵan jemqorlyq derti, eli, jerine degen patrıotızm, «ulttyq kod» taqyryptary jaıly keńinen aıtyldy, - deıdi áskerı bólimniń qoǵammen baılanys bóliminiń mamany, maıor Ásel Murathan.
Shara barysynda ortalyq qyzmetshiler ózderin tolǵandyrǵan suraqtaryn qoıyp, erkin pikir almasty. Iаǵnı, jastardyń qumar oıyndarǵa salyný jaıy, áskerılerdiń áleýmettik máselesi jaıly saýaldaryn ortaǵa saldy. Dintanýshylar tarapy taqyrypty keńinen tarqatyp, tushymdy jaýap berdi. Osylaısha, áskerılerdiń rýhyn serpiltken basqosý ashyq aspan astyndaǵy kórme keshenin tamashalaýmen jalǵasty. «Dinı ekstremızm men terrorızmge jol joq» taqyrybyndaǵy open air formatyndaǵy kórmege qoǵamda beleń alǵan jat aǵymdar týraly sýretter qoıylǵan. Onda mamandar Qazaqstan terrıtorııasynda ýaǵyzdarymen, áleýmettik jelilerde taralǵan beıne, aýdıo jazbalaryn tyńdaýǵa tyıym salynǵan tulǵalar týraly tilge tıek etti.
Almaty oblysy
