Qazaqstan • 03 Qazan, 2019

Tender tóńiregindegi túıtkil qutqarý qyzmetin de tyǵyryqqa tiredi

52 retkórsetildi

Qutqarýshylar tyǵyryqqa tireldi degen sóz, «jaman aıtpaı jaqsy joq», qıyn jaǵdaı oryn ala qalsa, el-jurt qıyndyq qursaýynda qalady degen sóz. Qandaı jaǵdaıda da apattyń aldyn alý úshin saqadaı-saı turýǵa tıisti qutqarýshylardy alańdatqan tender tálkeginiń tasasynda ne tur?

Apat aıtyp kelmeıdi. Ásirese munaı-gaz óndirýshi aımaq Mańǵystaýda óndiris qaýipsizdigine salǵyrt qaraýǵa bolmas. Osyny eskergendikten áý bastan-aq qaýipti óndiristik nysandarda tótenshe jáne apattyq jaǵdaılarda júrgiziletin taý-ken qutqarý, atqylamaǵa qarsy, gazdan qutqarý, qaterdiń aldyn alý, sondaı-aq órtti sóndirý jáne alǵashqy medısınalyq kómek kórsetý jáne basqa da avarııalyq-qutqarý jumystaryn atqarý maqsatynda qurylǵan avarııalyq-qutqarý qyzmeti mekemesi bar. «Áý bas­tan» deıtinimiz, buryn respýblıkalyq memlekettik mekeme quramynda júrip, bıyl naýryz aıynan bastap jaýapkershiligi shekteýli  seriktestik bolyp ózgergen mekeme óz isiniń maqtaýlysy. Iаǵnı keshe kenetten paıda bola ketip, búgin tender máselesinde qıyndyqqa tap bolyp jatqan keshegisi kúmán, tirligi tuman kim kóringenniń biri emes. 51 jyldyq tarıhy ishinde irili-usaqty apattardy aýyzdyqtap, el alǵysyna bólengen tustary az emes. Alaıda tender tóńiregindegi túıtkil qutqarýshylardy tyǵyryqqa tirep otyr.

Tender tálkegi

«Aqberen» JShS avarııalyq-qutqarý qyzmeti Mańǵystaý fılıalynyń dırektory Amangeldi Qýanalıevtiń aı­týyn­sha, Mańǵystaý oblysynda mu­naı-gaz salasynda apattar bola qalǵan jaǵ­daıda kásibı mamandarmen tolyqqan, tehnıkasy ozyq, tájirıbeli qutqarý qyzmeti kómekke shuǵyl kirisýi tıis. Mań­ǵystaý oblysy aýmaǵynda qyz­met etip jatqan irili-usaqty óndiris oshaqtarynda jumys tártibi qatań saqtalady degenniń ózinde, apat degeni­miz – eshkimmen aqyl­daspaı-aq oıran salýy yqtımal dúleı.  Kez kelgen jaǵdaıda oryn ala qalǵan ony aýyzdyq­taýǵa shamamyz kele me, dúleıge tótep berer qaýqarymyz qanshalyqty?

Bizde orny bar, barynsha qalyp­tasqan qutqarý qyzmetin odan ári qol­dap, zamanaýı turǵydan jańǵyrta jańartyp, jetildire túsýdiń ornyna, ony aıaqtan shalyp, qarjydan qaǵajý qaldyryp, omaqastyrý ońaı bolyp tur.

 «Naqtyraq aıtsaq, qazir Mań­­ǵystaýda tender tálkegi qut­qa­rýshylardy ábden tıtyq­tat­­qan kórinedi. 120-dan astam adam eńbek etetin, zamanaýı 40 shaq­ty arnaıy iri tehnıkasy bar bul seriktestikpen tenderge teń dárejede aty-jóni belgisiz, qyz­­meti kúmándi kompanııalar tú­sedi eken.

Qyzmet qunyn 4-5 ese tómen qo­ıyp, tenderdi jeńetin olarda qajetti talaptar men sharttar qaǵaz júzinde ǵana bar. Qujaty saqadaı-saı, nebir apattardy toı­tarýǵa ózin besaspap maman retinde kórsetip, tenderge ta­lasatyndar arasynda «bir ka­bınet» ishinde qyzmet etip, ne turaqty bazasy, ne teh­nı­ka­sy, tipti mardymdy qut­qa­rý­shylary joq «oıynshylar» tabylady. Olar apatty jaǵ­daı oryn alyp, janushyrǵan sha­qyr­tý dabyly túskende oqıǵa ornyna attap baspaı boı tasalap  qalady eken.  «Aqberen» se­rik­­testigi basshysynyń aıtýyn­sha,  «Em­bi­munaı­­gazdan» munaı atqylap, apat bolǵanda jo­ǵa­ryda atalǵandaı kóldeneń kom­­panııa­lardyń biri oqıǵa or­ny­na múldem kel­meı qoıǵan, esesine olarǵa tıesili bar­lyq ju­mysty «aqberendikter» atqa­ryp, qaýipti joıǵan.

– Ja­qynda «Qa­­ra­­janbas­munaıgaz» kompa­nııa­­­sy tender jarııa­lap, oǵan az qara­­jatpen aqtóbelik qutqarý kom­pa­nııa­sy da qatysady. О́z­de­­ri­niń qaýipsizdigin qamta­ma­syz etýge nıetti kompanııa­ny tekserip Aqtóbege barǵan munaıshylar aty bar, zaty joq qutqarýshylardy eshqan­daı talapqa saı emes dep tany­ǵan. Bul – jumystaryna jaýap­kershilikpen qaraıtyn mu­naı kompanııasynyń áreketi. Biraq barlyǵy osylaı qut­qa­rýshylarmen jete tanyssa jaqsy ǵoı. Bir ǵana keli­sim­men, «barmaq basty, kóz qysty» áreketpen jasalatyn tenderlerge toqtam kerek, – deıdi Amangeldi Qurmashuly.

Búginde «Aqberen» JShS Mań­ǵystaý fılıalymen óńir­degi 50 shaqty kompanııa keli­sim­shartqa otyrǵan. 24 saǵat kezekshilikpen eńbek etetin qut­qarýshy­lardyń aýyz toltyryp aıtatyn jetis­tik­teri barshylyq. Olar «Qalamqas» ken ornynda birneshe kúnge ulasqan órtti aýyzdyqtap, úlken qaterdi toqtatty.

О́z qyzmetin respýblıkalyq bıýdetten qarajat almaı, qyz­met kórsetiletin shar­ýa­shylyq sýbek­tilerimen sharttardy oryndaýdan túsken jeke kiristeri ese­binen júzege asyryp keledi. Kásiporyn qo­ıylǵan maqsattaryn iske asyrý úshin qyzmetterin joǵary sapa, asqan jaýap­kershilikpen júzege asyrady. Mekemede teh­nıkalyq qaýipsizdik sharalary qatań saqtalady. Mamandar kúndelikti jat­tyǵyp, úsh jylda bir ret attestasııadan ótip otyrady. Respýblıkalyq deńgeıdegi oqý-jattyǵýlarda aqberendikterdiń shashasyna shań juqqan emes. Sondaı-aq mekemede qyzmetkerlerdi áleý­mettik turǵydan qoldaý da qarastyrylǵan. Olar jylyna bir ret tegin medısınalyq tekseristen ótedi. Saýyqtyrý oryndary, eńbek demalysy, bala týý, sabaqqa barý nemese otbasyndaǵy qaıǵyly jaǵdaı kezinde qarjylaı kómek beriledi. Munyń ózi qutqarýshylardyń óz qyz­me­tine salǵyrt qaramaýyna serpin berip keledi.

Qutqarýshylyq qyzmet – bul memle­ket­tik pe, jeke­men­shik serik­testik pe, men­shik ıeligi kimge tıisti bolsa da halyq úshin barynsha qajetti qyzmet. Sondyqtan qutqarýshylardyń qyzmetin beıbit kúnde tasada qaldyrmaı qoldap, jetildirip otyrýdyń ornyna «tenderdiń talapaıyna» tastap, sergeldeńge salý orynsyz.

«Saqtansań – saqtaımyn» deı­tin sózdiń ózi bizdiń halqy­myz úshin qulaqsińdi bolǵan tirkes bolýy múmkin apattardy jáne odan saqtaný kerektigin eskertedi emes pe?!

 

Mańǵystaý oblysy

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar