Qazaqstan • 03 Qazan, 2019

Jemqorlyqqa qarsy saıasatty jetildirý qajet

19 retkórsetildi

Keshe Nur-Sultanda Halyqaralyq sybaılas jemqorlyqqa qarsy akademııaǵa qatysýshy taraptar assambleıasynyń segizinshi otyrysy ótti. Halyqaralyq jıynǵa álemniń 40 memleketinen 70-ten astam delegat qatysty.

Sessııada eń aldymen Grýzııanyń ókili Zýrab Abashıdze Assambleıa tóraǵasy ári Grýzııa Ádilet mınıstriniń orynbasary Gocha Lordkıpanıdze atynan sóz sóıledi. Zýrab Abashıdze Halyqaralyq sybaılas jemqorlyqqa qarsy akademııaǵa qyzmet etý jáne sybaılas jemqorlyqpen kúreske úlesin qosýdy úlken mártebe sanaıtynyn jetkizdi.

Assambleıa qatysýshylaryn Qazaqstan Respýb­lı­kasynyń Memlekettik hatshysy Qyrymbek Kósherbaev el Prezıdenti atynan quttyqtady. Quttyqtaý sózinde Memleket basshysy Qasym-Jomart Toqaev: «Teorııa men tájirıbeniń sımbıozy, úzdik álemdik tájirıbeni taldaý akademııaǵa sybaılas jemqorlyqqa qarsy is-qımyl salasynda joǵary bilikti mamandardy daıyndaýǵa múmkindik beredi» dep, akademııanyń joǵary róli men biregeıligin atap ótken.

Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Alık Shpekbaev óz kezeginde elimizdiń sybaılas jemqorlyqqa qarsy kúreste qol jetkizgen jetistikteri týraly aıtyp ótti. «Qazirgi ýaqytta Qazaqstanda sybaılas jemqorlyq deńgeıin túbegeıli azaıtýǵa baǵyttalǵan reformalardyń jańa paketin daıyndaý boıynsha júıeli jáne dáıekti jumys júrgizilýde», dedi vedomstvo basshysy.

Sonymen qatar Qazaqstan úshin eń negizgi basym­dyqtardyń biri turmystyq sybaılas jemqorlyqty joıý ekenin atap ótti. «Birinshi kezekte memlekettik qyzmetterdi barynsha sıfrlandyrý arqyly joıatyn bolamyz. Búgin Qazaqstan BUU-nyń tıisti reıtıngisinde elektrondy úkimetti damytý deńgeıi óte joǵary elder qataryna kiredi. Barlyq júzege asyrylyp jatqan jumystyń nátıjesi retinde Qazaqstan «Doing Business-2019» reıtınginde 190 memlekettiń arasynda 28-orynda», dedi A.Shpekbaev.

Al HSJQA basshysynyń mindetin atqarýshy Krıs­tıana Pon-Hýfnagl delegasııany akademııany qoldaýdy kúsheıtýge shaqyrdy. Sondaı-aq sybaılas jemqorlyqqa qarsy bilim berýdi damytýda jańa jáne ınnovasııalyq baǵyttardy izdestirýde HSJQA-men birlesip áreket etý máselesin qozǵady.

«2011 jyly qurylǵannan bastap HSJQA sybaı­las jemqorlyqqa qarsy zertteýler salasynda joǵary bilim berýdiń úzdik úlgisimen qamtamasyz etý úshin tıimdi tájirıbe ortalyǵy retinde turaqty qatysýshylarymyzdyń, baǵdarlamalarymyzdyń bedeli aıtarlyqtaı ósti. Munyń bárine shekteýli resýrstar arqyly qol jetkizildi», dedi óz sózinde Krıstıana Pon-Hýfnagl.

Sonymen birge jıyn barysynda 2019 jyldyń 15 qazanynda Fransııanyń Strasbýrg qalasynda Eýropa Keńesiniń shtab-páterinde elimizdiń Eýropa Keńesi sybaılas jemqorlyqqa qarsy memleketter tobyna (GREKO) qosylýy týraly Qazaqstan men Eýropa Keńesi arasynda kelisimge qol qoıý josparlanǵany málim boldy. Sarapshylardyń aıtýynsha, bul sybaılas jemqorlyqqa qarsy saıasatty jetildirý boıynsha eýropalyq mamandardan usynystar alý múmkindigin bermek. Sondaı-aq Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov otyrys sońynda qatysýshy memleketter óz usynystary men keńesterin engize alatyn «Nur-Sultan deklarasııasy» qabyldanatynyn málimdedi.

Qazaqstan Halyqaralyq akademııa jumysyna 2013 jyldan bastap belsendi aralasyp keledi. Al akademııa Aýstrııa úkimetiniń, Eýropanyń alaıaqtyqpen kúres bıýrosynyń, BUU esirtki jáne qylmys jónindegi basqarmasynyń bastamasymen halyqaralyq uıym retinde quryldy. Úkimet ókilderin qosa alǵanda 46-dan astam ulttyq jáne ınstıtýsıonaldyq uıymdardyń delegattary úsh kún boıy elordada HSJQA strategııasyn talqylamaq. Kún tártibinde akademııa jumysy úshin qarajat jınaý, onyń jumys baǵdarlamasyn iske asyrý jáne jańa strategııany ázirleý máseleleri bar. Budan bólek, HSJQA-nyń birqatar sybaılas jemqorlyqqa qarsy baǵdarlamalary talqylanatyn paneldik pikirtalas ótedi.

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar