Medısına • 03 Qazan, 2019

Bolashaq urpaq saýlyǵynyń irgetasy

17 ret kórsetildi

Elimizde mindetti áleýmettik medısınalyq saqtandyrý (MÁMS) júıesi iske qosylady. Prezıdenttiń Joldaýynda jarııa etilgen bul jańalyq medısınalyq qyzmettiń sapasy men qoljetimdiligin qamtamasyz etýmen baılanysty. Jańa júıe arqyly halyqty medısınalyq kómekke negizsiz jumsalatyn artyq shyǵynnan aryltýǵa múmkindik týady.

Elimiz úzdik halyqaralyq tájirı­beni eskere otyryp, medısına­lyq saqtandyrýdyń aralas modelin tań­dady. Onyń ereksheligi – áleýmettik az qamtylǵan toptardy memleket óz qamqorlyǵyna alyp, olar úshin jarna tóleıdi.

Jańa jyldan bastap azamat­tarǵa eki medısınalyq kómek paketi usyny­lady. Tegin medısınalyq kómek­tiń kepildik berilgen kólemi­niń jańa úlgisi, ıaǵnı shuǵyl jáne kezek kúttirmetin jaǵdaılarda árbir adamǵa kómek kórsetiledi. Ekin­shi­si – mindetti áleýmettik medısına­lyq saqtandyrý paketi. Bul saqtan­dy­rylǵan árbir adamnyń ómir sapasyn jaqsartatyn medısınalyq kómek.

Prezıdent mańyzdy qujatta: «Úkimet áleýmettik medısınalyq saqtandyrý júıesiniń bedeline taǵy da nuqsan keltirmeý úshin ony júzege asyrý máselesine zor jaýap­kershilikpen qaraýy qajet. Bizdiń qatelesýge quqymyz joq», dep atap kórsetti. Qazir Atyraý ob­lysynda jeke adamdar, ujym­dar, iri kásip­oryndar jańa júıege qyzyǵý­shy­lyq tanytyp, belsendilik­terin kór­setýde. 2017 jyldyń 1 shil­de­sinen 2019 jyldyń 31 shildesine de­ıingi aralyqta oblys boıynsha jalpy somasy 12 mlrd 508 mln teńge jar­na jınaldy. Onyń 96,4%-y jumys berý­shilerdiń aýdarymdary bol­sa, qalǵany jeke kásipkerler men aza­­mat­­tyq-quqyqtyq kelisimshart ne­gi­­zin­de eńbek etetin tulǵalarǵa tıesili.

MÁMS – halyq múddesin áleý­mettik turǵyda qorǵaıtyn mem­­lekettik júıe. Bolashaq urpaq den­saý­lyǵynyń irgetasy.

 Baıtolla ǴAZIZOV,

«Áleýmettik medısınalyq saqtandyrý qory» KEAQ Atyraý oblysy boıynsha fılıalynyń dırektory

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar