Tabysyn jasyrǵandar tasada qalmaıdy

Osyǵan baılanysty atqarýshy quqyq qorǵaý organdary, ýchaskelik polıseı­ler joǵaryda atalǵan is-sharaǵa qatysty tıisti málimetterdi Memlekettik kiris­ter departamentine usynýy kerek. Salyq tóleýdi durys kórsetý boıynsha jumysty shıratý kerektigin aıtqan keńes músheleri toıhanalardyń salyq tóleý máselesin kóterdi. Bul týraly qalalyq qoǵamdyq keńeste keńinen talqylandy.

Shymkent qalasy boıynsha Mem­le­ket­tik kirister departamenti bas­shysy­nyń orynbasary Nurpeıis Qulym­betovtiń aıtýynsha, 2019 jyldyń 8 aıynyń qorytyndysymen komıtet quzyretine jatatyn kirister boıynsha memlekettik bıýdjet jospary 6 mlrd teńge artyǵymen qamtamasyz etil­gen. Josparda 111 mlrd teńge bol­ǵan, naq­ty túsim 117 mlrd teńgeni qurap­ty. Sonymen qatar atalǵan departa­ment tarapynan qalanyń bıýdjet tú­sim­derin ulǵaıtý jáne qosymsha kiris kózderin anyqtaý maqsatynda usynystar aıtyldy.

Salyq tóleýden jaltarǵandar qatarynda shahardaǵy samaladaı samsaǵan toıhanalar kósh bastap tur. Derekkózderge súıensek, Shymkentte 118 toıhana bar. Alaıda toıhanalar salyq tóleýden jaltarǵandy jón kóredi. Tipti keı toıhanada 4 adam ǵana jumys isteıdi dep kórsetilgen. Ol bo­ıynsha tıisti hattama toltyrylyp, jaýapty organǵa mindetteme júkteledi.

Shymkent qalasy 2020 jyly TMD-nyń mádenı astanasy bolyp jarııalanýyna oraı keńes músheleri polısııa departamentiniń ókiline shahar aýmaǵyndaǵy zańsyz kóshe saýdasyn retteý, kóshede qaıyr suraýshylardyń áreketin toqtatý kerektigin aıtty. Sondaı-aq qaladaǵy áleýmettik mańyzy bar avtobýs baǵyttarynyń turaqty tasymaldaý tarıfterin belgileý týraly qaǵıdalary qaralyp, aldaǵy ýaqyt­ta qoǵamdyq keńes arnaıy komıssııa quratyn boldy.

Shahardyń sanı­tar­lyq-epıdemıo­-logııalyq jaǵ­daıy týraly baıandama jasaǵan Shym­kent qalasy Qoǵamdyq densaýlyq saq­taý departamentiniń basshysy Ábdi­manap Tólebaevqa qoǵamdyq keńes joǵary baǵa berip, basqa mekemelerge úlgi bolsa degendi bildirdi. Sebebi Shymkent qalasy taýarlar men kórsetiletin qyzmetter­diń sapasy men qaýipsizdigin baqylaý departamenti qoǵamdyq keńestiń otyrysyna túgel basshylyq quramy­men kelgen. Keńes múshesi Bekaıdar Musa­ulynyń aıtýynsha, atalǵan depar­tament bul esep berý arqyly qoǵam­dyq keńeske degen qurmeti joǵary ekenin kórsetti dep sanaıdy.

Qoǵamdyq keńestiń kún tártibindegi máseleler boıynsha keńes múshe­leri birqatar usynys aıtty. Aıtylǵan usy­nystar men pikirler boıynsha hattama jasalyp, olardy oryndaýǵa kúsh salynatyn bolady.

Jıynda Shymkent qalasy boıynsha memlekettik kirister, polısııa jáne taýarlar men kórsetiletin qyzmet­ter­diń sapasy men qaýipsizdigin baqylaý depar­ta­mentteri esep berip, óz salalary­na qatysty máselelerdi sóz etti. Sonymen qatar qala aýmaǵyn abattandyrý, jasyl jelekti kútip ustaý jáne qorǵaý, qala­daǵy áleýmettik mańyzy bar avtobýs ba­ǵyt­tarynyń turaqty tasymaldaý tarıf­terin belgileý qaǵıdalary qaralyp, norma­tıvtik-quqyqtyq akt jobalary kelisildi.

 ShYMKENT