О́ńirde qylmys sany birshama azaıǵan

Batys Qazaqstan oblysy Polısııa departamentiniń bastyǵy, polısııa general-maıory Mahsýdhan Ábilázimov qyzmettik issaparmen Bórli aýdanynyń ortalyǵy Aqsaı qalasynda bolyp, aýdandyq polısııa bóliminiń jaı-kúıimen tanysty. Generaldyń málimdeýinshe, jaqynda aýdandyq polısııa bóliminde qala kóshelerindegi beınebaqylaý kameralaryn qadaǵalaýǵa arnalǵan jedel-basqarý ortalyǵy ashylmaq. Bólimde túrli saýaldarymen kelgen azamattardy qabyldaǵan general Qarashyǵanaq ken ornyndaǵy qaýipsizdik máselesin de tekserdi.

Aqsaı qalalyq Mádenıet úıinde ótken eseptik kezdesýde general-maıor oblystaǵy ishki ister organdarynyń bıylǵy 8 aıda atqarǵan jumysy týraly baıandady.

Departament bastyǵynyń aıtýyn­sha, óńirde 8 aı ishinde jalpy tirkelgen qylmys sany 11,2%-ǵa, al qylmystyń deńgeıi 10 myń turǵynǵa shaqqanda 146-ǵa deıin nemese 20 pozısııaǵa azaıǵan. Sonymen qatar ortasha aýyrlyqtaǵy qylmys sany da 20,9% -ǵa kemigen eken.

– Bizdiń departament respýblıka kóleminde aýyr jáne asa aýyr qylmystardy ashý kórsetkishi boıynsha 2-orynda, al aýyrlyǵy onsha emes qylmys túriniń ashylý kórsetkishi boıynsha 1-orynda tur. Bul jetistikke oblys ákimdiginiń jáne depýtattar korpýsynyń belsendi ári jan-jaqty qoldaý kórsetýi arqasynda qol jetkizdik. Ishki ister organdarynyń materıaldyq-tehnıkalyq bazasy jaqsartylyp, zamanaýı baılanys quraldary, birqatar ınnovasııalyq baǵdarlamalar satyp alyndy, qol­danysqa engizildi. Oblystaǵy krı­mı­nogendik ahýaldy saýyqtyrý boıynsha polısııa bar kúshin salyp, óz mindetin odan ári jalǵastyratyn bolady, – dedi polısııa general-maıory.

Esep berý barysynda departament basshysy oblystaǵy túrli qylmystar, urlyq, qaraqshylyq shabýyl, adam zorlaý faktisi, kisi óltirý, jol-kólik oqıǵalary, alaıaqtyq, esirt­ki­ge táýeldilik faktileri boıynsha jeke-jeke toqtalyp ótti.

Jıyn sońynda qala turǵyndary jáne birqatar páter ıeleri ko­ope­ra­tıviniń basshylary qaladaǵy buza­qylyq qylmystar, joldaǵy qaýip­siz­dik máseleleri boıynsha suraqtar qoıdy.

Departament basshysy qoǵamdyq tártip pen qaýipsizdikti qamtamasyz etý, Qazaqstan Respýblıkasy azamat­ta­rynyń ómiri men densaýlyǵyn qor­ǵaý isinde ishki ister organdaryna qol­daý kórsetkeni úshin Bórli aýdanyna qarasty birqatar aýyl ákimderine, «Qarashyǵanaq Petroleým opereıtıng B.V.», «Azııa Grýpp Sekıýrıtı» kompanııalarynyń qyzmetkerlerine alǵys hat tabys etti.

 Batys Qazaqstan oblysy