Atalǵan shara Ortalyq Azııa men Taıaý Shyǵystyń 8 eliniń kúsh qurylymdaryna arnalyp, onyń jumysyna Aýǵanstan, Iran, Qazaqstan, Qyrǵyzstan, Pákistan, Tájikstan, Túrikmenstan jáne О́zbekstan prokýratýra organdary, qarjy barlaý bólimsheleriniń ókilderi qatysty. Negizgi maqsat – adam saýdasyna jáne mıgranttardy zańsyz ákelýge baılanysty zańsyz qarjy aǵyndarynyń jolyn kesýde aımaqtyq jáne vedomstvoaralyq yntymaqtastyqty jaqsartý maqsatynda aqparat almasýǵa jáne beıresmı jelilerdi paıdalanýǵa járdemdesý. О́ıtkeni búginde adam saýdasy – bul qylmystyq bıznestiń tıimdi túrleriniń biri bolyp otyr. Jahandyq quldyq ındeksine sáıkes búkil álem boıynsha shamamen 40 mln adamnyń bas bostandyǵy joq. Al Qazaqstanda jyl saıyn eńbek quldyǵynan júzden astam adam qutqarylady. Qazaqstan 2017 jyly bul kórsetkishte 167 el boıynsha 83-shi oryndy ıemdendi (75 myń adam). Olardyń arasynda negizinen áıelder men balalar kórinedi. 2017 jyly ishki ister organdary adam saýdasymen baılanysty 250-den astam qylmystyq is qozǵady.
Halyqaralyq eńbek uıymynyń málimetteri boıynsha adam saýdasynan túsken zańsyz tabys jyl saıyn shamamen 150,2 mıllıard AQSh dollaryna baǵalanady eken.
Semınarda adam saýdasyna jáne mıgranttardy zańsyz ákelýge baılanysty qylmystarǵa tergeý júrgizýde qarjylyq barlaý bólimsheleriniń róli, osy máselege qarsy kúres úshin qarjylyq tergeýlerdi paıdalanýdyń aımaqtyq tájirıbesi, halyqaralyq uıymdardyń kúsh-jigeri jáne aǵymdaǵy baǵyttar, qazirgi zamanǵy úrdister, adam saýdasy jáne mıgranttardy zańsyz ákelý ádisteri, sondaı-aq olardyń zańsyz qarjy aǵyndarymen ózara baılanysy sekildi máseleler qozǵaldy. Sonymen qatar adam saýdasyna jáne mıgranttardy zańsyz ákelýge baılanysty zańsyz qarjy aǵynynyń jolyn kesý maqsatynda aımaqtyq jáne vedomstvoaralyq yntymaqtastyqty jaqsartý máseleleri talqylandy. Osy ispettes qylmystarǵa tergeý júrgizýde qarjylyq barlaý bólimsheleriniń róline erekshe nazar aýdaryldy.
Semınar sońynda sala boıynsha óńirdegi yntymaqtastyqty jaqsartý joldary men usynystar, ozyq tájirıbe nazarǵa alyndy.
