Álem • 03 Qazan, 2019

«Qazaqstan arýy» Londondaǵy álemdik saıysta elimizdiń ásem jerleri týraly baıandaıdy

32 ret kórsetildi

Bıyl sáýir aıynda el sulýlarynyń ishindegi eń sulý 19 jastaǵy pavlodarlyq stýdent Mádına Batyqtyń baǵy janyp, «Qazaqstan arýy» atanǵany aıan. Endi aldaǵy kúnderi, ıaǵnı 14 jel­toqsanda Londonda ótetin 69-shy «Álem arýy» sulýlyq baıqaýyna bizdiń elimizden Mádına Batyq barady.

Sol «Álem arýy» ha­lyq­aralyq konkýrsyna da bar bolǵany 2 aı qaldy. Al Qazaqstannyń sulýlyq tájin kıgen qyz sáýirden beri óziniń aǵyl­shyn tilinen bilimin je­til­di­rip, dene bitimin jaq­sar­ta túsýi tıis bolatyn.

Jaratqan ıemiz kó­rik­ten kende qylmaǵan M­ádına ónerden de qu­r­a­laqan emes. 14 jasyn­da Maı aýda­­nyndaǵy Baı­ǵabyl Jyl­qybaev atyn­daǵy óner mek­tebiniń horeo­grafııa­lyq dıplomyn alǵan.

Bul kúnderi «Qa­zaq­stan arýy-2019» S.To­raıǵyrov atyn­daǵy Pavlodar mem­le­kettik ýnıver­sı­tetinde týrızm ma­man­­dyǵy boıynsha bilim alyp jatyr. Je­­ńil atletıka­men, ten­nıspen aına­ly­sady, fıtneske barady.

О́mirden jeke ba­qytyn taýyp, tir­shi­likte tabysty bolýdy armandaıtyn qazaq qyzyn endi alda úlken synaq kútip tur. Ol Londonda ótetin «Álem arýy» baıqaýynda óz sulýlyǵyn ǵana emes, búkil Qazaq halqynyń óre-parasatyn pash etýi tıis.

Mádınaǵa Qazaqstannyń sulýlyq tájin kıgen kezde 3 mıllıon teńge júlde, Parıjde dúken aralaý, jarnamalyq agenttiktermen kelisimsharttarǵa otyrý buıyrǵanymen, onyń eń úlken baqyty – búkil bir memlekettiń atynan «Álem arýy» baı­qaýyna qatysý bolatyn.

– Men týrızm salasy boıynsha bilim alýdy jalǵastyra beremin. Qazaqstandaǵy týrızmdi damytýǵa kúshimdi salamyn. О́ıtkeni memleketimiz úlken týrıstik áleýetke ıe, – deıdi Mádına Batyq.

Dál osy kúnderi álemdik sa­ıys­qa joldama alǵan sulý týraly «Qazaqstan arýy» jobasynyń túsirý toby «Qazaq­stan týraly áde­milikpen» atty tu­saý­keser fılmin ja­saýǵa kiristi. «Qazaqstan arýyn» «Álem arýy-2019» baı­qaýynda búkil dúnııaǵa tanystyratyn kartınada Uly dalamyzdyń eń kórikti jerleri, qasıetti mekenderi, elimizdiń ǵajaıyp ólkeleri men ta­bıǵat tamashasy da qosa sal­­tanat qu­ratyn bolady.

Al tusaýkeserdiń sse­­­narıin jasaǵan A.Ah­me­tova shabytyna OTYRAR SAZY&IFLY joba­sy­nyń «Yapyr-ai» kom­pozısııa­sy arqaý bol­ǵa­nyn aıtady.

Endigi jerde túsi­rý tobyn aýqymdy ju­­­mys kútip tur. Shy­­ǵar­­mashylyq koman­da Qazaqstan arýymen birge elimizdiń eń kó­rikti jerlerin shar­lap, fılmge Qa­zaq­­stannyń áde­mi­ligi men tarıhyn, dástúri men dastarqanyn syıǵyzýǵa kúsh salady.

Bul rolıktiń bas­ty keıipkeri, árıne Mádına Batyq Qazaq­stannyń kógildir kóli Qaıyńdyǵa, Sharyn shatqaldary men arheo­logııalyq nysandaryna, kıeli jerlerine atpen saıahat shegip, asaýdy aýyzdyqtap, qolǵa úıretken qazaq degen halyq týraly baıandap otyrady.

Qazaqstan arýyn tanystyratyn tusaýkeser fılm elimizdiń túrli tabıǵatyn, asqar taýlary men barqyt qum dalasyn qamtı kele, Uly Jibek joly boıy­men júrip otyryp, 20 jylda ásem qalaǵa aınalǵan elimizdiń astanasynda márege jetedi. Osylaısha qazir jıyrmaǵa tolǵan Mádına Batyq shırek ǵasyrǵa da jetpeıtin aralyqta megapolıs shaharǵa aınalǵan Nur-Sultan qalasy, Qazaqstan týraly ádemilikpen áńgimesin aıaqtaıdy.

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Uqsas jańalyqtar