Rýhanııat • 03 Qazan, 2019

Alys ta jaqyn Altynjar...

41 retkórsetildi

Altynjar aýylyna jaqyndaǵannan-aq kózge shalynatyn bir ádemi kórinis bar. Ol – uly kúıshi Qurmanǵazynyń kesenesi. Bıik tóbeni buryn el Shaıtanı bataǵa dep kelipti. Qazir Qurmanǵazy tóbesi dep qurmetpen ataıdy.

Ǵumyrynyń sońǵy jyldaryn Astrahan je­rindegi Sahma, Altyn­jar, Qyzyljar boıynda ótkizgen Qur­man­ǵazy Saǵyr­baıulynyń máńgilik tynys tapqan mekeni – osy. Re­seıdiń Astrahan obly­syndaǵy Altynjar aýylynda negizinen qazaqtar turady. Atyraý aıma­ǵymen shekaralas ornala­sqan­dyqtan da bolsa kerek, eki el arasynda alys-beris pen barys-kelis jaqsy jol­ǵa qoıylǵan. 1996 jy­­ly kúıshi jerlengen oryn­ǵa kesene turǵyzylyp, onyń  ashylý saltanatyna Tuńǵysh Prezıdent Nursultan Nazarbaev qa­tys­­qan bolatyn. 2005 jy­­ly má­de­nı ortalyq ashyldy. Elba­synyń: «Qur­­­manǵazy Saǵyr­baı­uly atyndaǵy keshen – kór­shi­les eki eldiń dostyǵy men mádenı baılanysynyń ta­ǵy bir sımvoly» degen sózi mýzeı qabyrǵasynan oryn alǵan. О́tken jyly Atyraý oblysy ákimdigi men janashyr aza­mat­tar­dyń qoldaýymen osy or­ta­lyqqa kúrdeli jóndeý jasaldy. Aımaq bas­shysy Nur­lan Noǵaev jaqynda Al­­tynjarǵa baryp, ke­shen ju­mysymen tanysyp qaıt­ty. «Qurmanǵazy» óńirlik má­­denı ortalyǵynda qa­zir 40 qyz­metker bar. Onyń 25-i – dombyra­shy. Keshen janynan «Sa­­­­­­mal» qazaq mýzy­ka­lyq an­­sambli qurylǵan.

– Jyl saıyn 1000-ǵa jý­yq qonaq keledi, – deı­di or­talyqtyń basshysy Aman­geldi Ábilǵazıev. – Kópshiligin kúıshiniń ómirbaıany men ómir súr­gen kezeńindegi qazaq­tar­dyń turmys-tir­­shiligi qy­­zyq­tyrady. Mýzeıdi de osy baǵyttaǵy já­­di­ger­lermen to­lyq­­­tyrýǵa ju­mystanyp jatyrmyz.

Alystaǵy Altynjar  Qur­man baba jatqan jer retinde de kóńilimizge jaqyn bolyp turady. «Aýyldyń úl­ken-kishisi derlik túgel dom­byrada oınaı biledi. Dom­­by­ra­shylar mektebi, an­sambli bar», – deıdi mádenı orta­lyqtyń basshysy. Osy­nyń ózi ýaqyt paraǵy qan­sha aýyssa da, ónerdiń már­tebesi árqashan bıik eke­nin ańǵartsa kerek.

 ATYRAÝ

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar