Qala halqynyń tyǵyz ornalasýyna baılanysty olardy Aqtaý qalasyna kóshirýge sheshim qabyldanyp, búgingi tańda 388 otbasy kóshiriledi dep josparlanýda. Bul turǵyndardyń barlyǵynyń aǵymdaǵy statýsyna taldaý júrgizildi.
Endi jańa Josparǵa sáıkes 2020-2024 jyldar aralyǵynda Jańaózen qalasy turǵyndaryn Aqtaýǵa kóshirý úshin 10 000 páter salý qarastyryldy. Bul úıler qurylysy Aqtaý qalasyndaǵy jańa 13 shaǵyn aýdandarda júrgiziletin bolady.
-О́ńirimizdiń áleýmettik-ekonomıkalyq damýy jáne halyqtyń áleýmettik jaǵdaıyn jaqsartý baǵytynda jasalyp jatqan jumystar odan ári de jalǵasa beretin bolady. Jergilikti atqarýshy organ retinde oryn alyp otyrǵan daǵdarystyq qubylystarǵa ýaqytyly den qoıý, qajetti sheshimderdi jedel qabyldaý, óńirimizde ekonomıkalyq jáne saıası turaqtylyqty saqtaý, halyqtyń áleýmettik ál-aýqatyn kóterý jolynda úkimettik emes uıymdarmen jáne basqa da ınstıtýttarmen birlesip jumys jasaıtyn bolamyz, dep atap ótti oblys ákimi Serikbaı Trumov.
