Medısına • 03 Qazan, 2019

Almatyda asqazan aýrýlarynyń Ortalyq-Azııalyq kongresi ótip jatyr

108 retkórsetildi

Búgin Almatyda VI Halyqaralyq «Ortalyq-Azııalyq gastroenterologııalyq apta - 2019» kongresi (OAGA) óz jumysyn bastady. Kongreske qatysý úshin Almaty qalasyna 500-den astam delegat, onyń ishinde alys jáne jaqyn shetelderden 75 lektor, gastroenterologtar, terapevter, ınfeksıonıster, jalpy tájirıbelik dárigerler, pedıatrlar, onkologtar, zerthanalyq jáne fýnksıonaldyq dıagnostıka salasyndaǵy mamandary keldi. 

Kongresske qatysýshylar asqazan-ishek joly aýrýlaryn anyqtaý men onyń aldyn alý máselelerin, aýrý kórsetkishin tómendetý joldaryn, AIJ qaterli isikke jetkizbeı emdeý, gastroenterologııa salasynda zaqymy az hırýrgııalyq kómek kórsetý, onyń ishinde baýyr transplantasııasy máselelerin talqylap otyr. Sondaı-aq aımaq klınıkalaryndaǵy jańashyl emdeý tásilderi men olardy engizý týraly aqparattarmen bólisedi.

Búginde as qorytý joldarynyń keseli múgedektik pen ólim-jitim statıstıkasynda negizgi aýrýlardyń alǵashqy bestigine kiredi. Sozylmaly vırýstyq gepatıt (SVG) jáne onyń barlyq damý kesheni – fıbroz, sırroz jáne gepatosellıýlıarlyq karsınoma erekshe áleýmettik mańyzǵa ıe. Aýrý dúnıejúzilik aýqymda qoǵam densaýlyǵyna qaýip tóndirip otyr.

Tek 2019 jyldyń 9 aıyndaǵy málimetter boıynsha, Qazaqstanda sozylmaly S gepatıti bar 27,645 myń naýqas, sozylmaly V gepatıti bar 19,333 myń naýqas (delta-agenttersiz) jáne sozylmaly D gepatıti bar 1,290 myń naýqas (delta-agentpen HGV) esepte tur. 2018-2019 jyldary 13 405 naýqas vırýsqa qarsy terapııa alǵan. Bıyl S vırýsty gepatıtimen aýyratyn 11 myń naýqasqa jáne V gepatıtimen aýyratyn barlyq muqtaj naýqastarǵa jańa rejımdermen vırýsqa qarsy terapııa ótkizý josparlanýda.  

Vırýsty gepatıtpen kúresý qajettiligin túsine otyryp, Dúnıejúzilik densaýlyq saqtaý uıymy (DDSU) 2016-2021 jyldarǵa vırýstyq gepatıt boıynsha densaýlyq saqtaý sektorynyń Jahandyq strategııasyn qabyldady. Strategııanyń maqsaty – 2030 jylǵa qaraı halyq densaýlyǵyna qaýip tóndiretin aýyr dert retinde vırýstyq gepatıtti joıý. DDSU strategııasyna negizdele otyryp, kóptegen memleketter ózderiniń ulttyq josparlaryn qabyldady, bizdiń el de shette qalmady.

Qazaqstanda 2017 jyldan bastap Parenteraldyq gepatıtterdiń profılaktıkasy men onyń saldaryn aldyn alý jónindegi jol kartasy iske asyrylýda. Jol kartasy aıasynda normatıvtik-quqyqtyq bazany jetildirý, densaýlyq saqtaý uıymdarynyńkadrlyq áleýeti men materıaldyq-tehnıkalyq bazasyn kúsheıtý, sozylmaly vırýstyq gepatıtterdiń zerthanalyq dıagnostıkasynyń qol jetimdiligi men sapasy joǵarlatý, sozylmaly vırýstyq gepatıti asqynǵan naýqastardy qosa medısınalyq kómek alýǵa qol jetimdilikti qamtamasy etýjúrgizilýde. Profılaktıkalyq jumysqa úlken nazar bólinedi.

Sońǵy jańalyqtar

Aqtóbe qalasy karantınge jabyldy

Aımaqtar • Búgin, 20:51

Eksporttyq áleýetti arttyrý kózdelmek

Ekonomıka • Búgin, 20:11

Ulttyq online aıtys ótkizbek

Rýhanııat • Búgin, 20:10

Amandyǵyńdy oılasań, tártipke baǵyn!

Aımaqtar • Búgin, 19:00

MMA: Habıb Nurmagomedovty almastyrady

Kásipqoı boks • Búgin, 16:39

Qaraýsyz bala qaýipke urynady

Qoǵam • Búgin, 16:23

Atyraý: Kásipker usynǵan kómek

Aımaqtar • Búgin, 16:22

MMA: Denıel Korme karerasyn aıaqtaıtynyn aıtty

Kásipqoı boks • Búgin, 16:07

Jańa apparattar ókpeni tazartýda

Aımaqtar • Búgin, 15:57

Uqsas jańalyqtar