Saıasat • 03 Qazan, 2019

Darıǵa Nazarbaeva: Bıýdjet basymdyqtary naqty bolmasa nátıje bolmaıdy

36 retkórsetildi

Senatta Darıǵa Nazarbaevanyń tóraǵalyq etýimen Bıýdjet zańnamasyn jetildirý jónindegi keńestiń otyrysy ótti. Bul týraly Parlament Senatynyń baspasóz qyzmeti habarlady.

«Osy ýaqyt ishinde aýqymdy jumystar atqaryldy, ásirese, qazirgi áleýmettik jáne ekonomıkalyq júıeleri aldyndaǵy táýekelder men qaterler aıasynda ony jalǵastyrý óte mańyzdy dep esepteımiz», dedi Senat Tóraǵasy.

Senatorlar aldynda Ulttyq ekonomıka mınıstri Rýslan Dálenov baıandama jasady. Bıýdjet úderisin reformalaý jónindegi jol kartasyn usynǵan kezde ol bıýdjettik baǵdarlamalardy iske asyrýdyń tıimdiligin baǵalaýdy jaqsy jáne neǵurlym jedel júrgizýge múmkindik beretin strategııalyq jospardyń jańa turpaty týraly aıtty. R.Dálenov sondaı-aq barlyq memlekettik qurylymdarǵa arnalǵan jańa sıpattaǵy jospar bıylǵy jyldyń sońyna deıin bekitiletinin jetkizdi.

«2020 jyldyń mamyr aıynda 2021 jyldan 2023 jylǵa deıingi úsh jyldyq kezeńge bıýdjetti qalyptastyrý kezinde memlekettik organdar strategııalyq jospardy jańa túrde usynatyn bolady», dep atap ótti mınıstr.

D.Nazarbaevanyń pikirinshe, mekemeler tek óz bıýdjetteriniń jobalaryn ázirleı bastaǵan sátten bastap Respýblıkalyq bıýdjettiń atqarylýyn baqylaý jónindegi esep komıtetimen ózara tyǵyz jumys isteýi tıis. «Bul josparlanǵan shyǵystardy salýdyń oryndylyǵyn ýaqtyly baǵalaý turǵysynan óte mańyzdy», dedi Senat basshysy.

Otyrys barysynda nysanaly kórsetkishterdi ońtaılandyrý, túrli memlekettik baǵdarlamalardy qarjylandyrý jáne basqarý týraly usynystar aıtyldy. Senator Álı Bektaevtyń aıtýynsha, olardyń keıbirine ártúrli arnalar arqyly qarjy bólinetini, alaıda, eshqandaı nátıje bermeıtini baıqalyp otyr.

«Men agroónerkásip kesheni salasynda bir baǵdarlama boıynsha jumys isteıtin qor bar ekenin, ekinshi baǵdarlama boıynsha jumys isteıtin basqa qurylym bar ekenin bilemin. «Sybaǵa», «Tuıaq» sııaqty baǵdarlamalarǵa ár túrli kózderden qarajat bólinedi. Nátıjesinde biz olarǵa qansha bólinetinin jáne qalaı júzege asyp jatqanynan beıhabarmyz», dedi Á.Bektaev.

Senat Tóraǵasy Darıǵa Nazarbaeva qarjyǵa asa muqııat bolýdy jáne bıýdjet basymdyqtaryn naqty belgileıtin ýaqyt kelgenin aıta kelip: «Qazir biz qarjylandyryp, bárine qoldaý bildirip, jan-jaqty qamtyp kelemiz. Sonyń nátıjesinde bárine tek tıyn-teben ǵana tıip otyr. Odan qandaı nátıje shyǵady?», dedi.

Sońǵy jańalyqtar

Jazyǵy joq kóktemniń

Ádebıet • Keshe

Uqsas jańalyqtar