Qoǵam • 03 Qazan, 2019

Almatyda múgedektigi bar adamdardyń ınklıýzııasyna arnalǵan forým ótip jatyr

386 ret kórsetildi

Forýmdy uıymdastyrýshylar elimizde múgedektigi bar jandar úshin yńǵaıly orta qurý máselesi óte ózekti ekenin kún tártibine shyǵaryp jatyr.

«Almaty áıelder klýby» men «Inklıýzıvti Qazaqstan» qoǵamdyq birlestiginiń basshysy Bent-Anat Beısembaeva  jýrnalıstermen kezdesken kezde múgedektigi bar adamdar jeke ózderi elimizdi ınklıýzıvti etip jasaı almaıtynyn aıtty.  Ony tek qoǵam belsendilerimen jáne azamattyq qoǵam qurýshy azamattardyń qatysýymen ǵana júzege asyra alady.

«Búgingi forýmǵa Japonııa, Fransııa, Germanııa elderiniń múgedekter qoǵamynyń basshylaryn shaqyrdyq. Aldymen olarǵa baryp jaǵdaıdy kórdik, ıaǵnı olardyń tájirıbesimen tanystyq. Olarda múgedektigi bar jandar ózderin kemtar sezinbeý úshin bar jaǵdaı jasalǵan. Olar deni saý adamdarmen qatar jumysqa baryp, ózge de qoǵamdyq sharalarǵa esh qıyndyqsyz qatysa alady. Sondyqtan bizge bul baǵytta atqaratyn jumys áli kóp» dedi ol jýrnalıstermen kezdesken kezde.

Jıyn barysynda kedergisiz týrızm, múgedekterdiń qoljetimdiligi jáne múgedektigi bar adamdardy jumysqa ornalastyrý  máselesi qaralady. Sebebi elimizde  múgedek jandardyń týrızmi úshin eshqandaı jaǵdaı jasalmaǵan.  О́ıtkeni qonaqúılerde olarǵa arnalǵan nómirler tapshy. Bir qonaqúıde bir ǵana oryn belgilengen.

Sóz arasynda ol qoljetimdilik jaǵy da aqsap turǵanyn, pandýs, arnaıy kótermeler, ınvotaksıler jetkiliksiz ekenin aıtty. Múgedektigi bar adamdardyń óz mamandyǵy boıynsha jumysqa ornalasýy qıyn. 

«Fransııa men Germanııada olardyń bári jumys isteıdi. Ol jaqta arbaǵa tańylǵan adamdar ózderin kemtar sezinbeıdi, bárine qoljetimdilik bar. Bizde de sondaı bolsa deımiz. Qazir elimizde memlekettik emes mekemeler múgedekterge qamqorlyq kórsetý maqsatynda olardy jumysqa ala bastady. Mundaı kezde olar jarııa salyp, kópshilikke bildire bermeıdi. Alaıda jarııalaý kerek dep oılaımyn, bul pıar úshin emes, ózgeler de solaı isteý úshin qajet. Bizdiń «Áıelder» klýby bes jyldan beri ár juma saıyn qarttarǵa tegin nan taratyp kelemiz. Keıbiri bizdi ózderin jarnamalaǵysy kelip júr dep aıtyp jatady. Bul múlde olaı emes, elimizde jaǵdaıy bar adamdar da osylaı jasasa degen oımen atqarylyp jatyr. Qazaqstanda jaǵdaıy tómen adamdarǵa kómekteskisi keletinder bar, alaıda ony qalaı jasaý kerektigin bilmeı jatady. Mine sondaılar bizden úlgi alyp jatsa jaman bolmas edi»,  dedi Bent-Anat Beısembaeva.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar