Aımaqtar • 03 Qazan, 2019

Qaraǵandy mektepterinde «Ekosaǵat» aksııasy ótti

78 ret kórsetildi

Kenshiler astanasynyń №102 jáne 103 mektepterinde ótken «Ekosaǵat» aksııasyna oblys ákimi Jeńis Qasymbek qatysyp, ol 5-11 synyp oqýshylarymen birge qaraǵaı jáne shyrsha kóshetterin ekti.

О́ńir basshysy oqýshylardy tabıǵatty aıalaýǵa shaqyrdy.

– Shynyn aıtqanda, úlkender ekologııa máselesin sizdersiz aýyzdyqtaı almaıdy. Búginde búkil álem qoqysty bólek jınaýdy, jańa, jańartylatyn energııa kózderin izdeýdi, ekologııalyq taza ónimderge kóshýdi qolǵa alǵan. Meniń oıymsha, bul óte mańyzdy daǵdylar. Sizderdiń býynnyń jas kezinen ekologııa máselesin zertteıtini meni qýantady, – dep atap ótti Jeńis Qasymbek.

Aksııa barysynda oblys ákimi oqýshy balalarmen emen-jarqyn áńgimelesti. О́skeleń urpaqtyń ókilderi óńir basshysyna ózderin qyzyqtyrǵan suraqtardy qoıyp, olarǵa tolyqqandy jaýap aldy. Mysaly, Jeńis Qasymbek mektepte, keıin ýnıversıtette oqyp júrgeninde fızıka men matematıkany jaqsy kórgenin, sondaı-aq dene shynyqtyrý sabaǵynda fýtbol oınaǵandy unatqanyn aıtty. «Eger men memlekettik qyzmetshi bolmasam, onda ózimniń alǵashqy mamandyǵym – qurylysshy-sáýletshi bolyp jumys ister edim. Maǵan ol shynymen unaıdy», dedi ol.

Budan keıin oblys basshysy men oqýshylar plastıkterdi óńdeıtin EcoTruck jyljymaly beketiniń jumysymen tanysty. Shanaǵynda qoqys óńdeıtin qondyrǵysy bar júk kóligi qarasha aıynyń 15-inen bastap sáýirdiń ortasyna deıin Qaraǵandynyń mektepterin aralap,  balalardy qoqysty bólek jınaýǵa úıretetin bolady.

Eske salsaq, respýblıkalyq «Ekosaǵat» aksııasy Ekologııa, geologııa jáne tabıǵı resýrstar mınıstri Maǵzum Myrzaǵalıevtiń bastamasymen uıymdastyrylǵan bolatyn. Bul kúni elimizdegi barlyq oblys, qala jáne aýdan ákimderi oqýshylarǵa ekologııany qorǵaý jóninde dáris oqyp, aǵash egý sharasyna at salysty.

Sońǵy jańalyqtar

Aqtaýda geologtar alleıasy ashyldy

Aımaqtar • Búgin, 19:25

Oralda Juban Moldaǵalıevke eskertkish ashyldy

Rýhanııat • Búgin, 18:43

Shekten shyqqan ahýal joq

Aımaqtar • Búgin, 15:02

Demalys kúnderi aýa raıy qandaı bolady

Aýa raıy • Búgin, 13:15

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar