Saıasat • 04 Qazan, 2019

Ishki jáne syrtqy saıası baǵyttardyń basymdyǵy aıqyndaldy

22 retkórsetildi

Jahandyq órkendeý qarqyn alǵan saıyn Azııa damýdyń dańǵyl jolyna tústi. Qaı sala bolsyn, aldymen ekonomıkanyń tamyryna qan júgirtý úshin júıeli uıymdastyrylyp, nátıjesinde Azııa elderiniń áleýeti edáýir artty. Bul rette Qazaqstan basymdyq berer baǵyt qaısy? Ishki-syrtqy saıası yqpaldastyqtyń urymtal tusyn utqyr paıdalaný úshin nendeı táýekelge barý kerek? Álem elderin jappaı oılandyrǵan ózekti máseleler ortaq alańda jan-jaqty talqylandy. Bul sheńberge óz sheshimin usynǵan Qazaqstannyń únin Memleket basshysy ashyq ári aıqyn jetkizdi. Osy oraıda Qazaqstan Respýblıkasy Prezıdentiniń keńesshisi Erlan Qarın jýrnalısterge suhbat berip, «Valdaı» pikirtalas klýby sııaqty jıyndarǵa qatysýdyń Qazaqstan ımıdji úshin qanshalyqty mańyzdy ekenin atap ótti.

– «Valdaı» pikirtalas klýby – álemdegi tanymal ári yqpaldy sarapshylar alańy. Klýbtyń keńinen tanylýyna, álem jurtshylyǵy nazaryna iligýine birneshe faktor áser etedi. Aldymen Batys elderi, onyń ishinde AQSh, Eýropa, sonymen qatar Azııanyń alpaýyt memleketterinen bedeldi ǵalymdar, áıgili saıasatkerler men ekonomıst mamandardyń basyn qosqan ortaq alańǵa aınalǵanyn erekshe atap ótýge bolady. Ár memleketten jınalǵan sarapshylar belgili bir aımaqqa nemese halyqaralyq arenadaǵy saıasatqa, saıası sheshimderdiń qabyldanýyna yqpal etken tulǵalar. Kezdesý barysynda saıası qaıratkerler men memleket basshylary sarapshylar qaýymdastyǵy arqyly óz elderiniń ishki jáne syrtqy saıası baǵytynyń basymdyǵyn jetkizýge tyrysady, – degen E.Qarınniń aıtýynsha, bıyl on altynshy ret uıymdastyrylǵan sharaǵa tuńǵysh ret Qazaqstan Prezıdenti Qasym-Jomart Toqaev qatysyp otyr. Pikirtalas alańy kezinde Memleket basshysy álemdegi yqpaldy, tanymal sarapshylarmen kezdesip, óz pikirin bildirdi. Klýb otyrysyna ózge de memleket basshylary qatysyp, bul rette Prezıdent áriptesterimen ekijaqty, kópjaqty kezdesýler uıymdastyryldy.

− Klýb aıasynda saıası-ekonomıkalyq salalardy arqaý etken máseleler keńinen talqylandy. Saıasatkerler ádette resmı kezdesýlerdiń alań­darynda ǵana emes, beıresmı sharalar aıasynda ótetin kezdesýlerdi utymdy paıdalanýǵa tyry­sady. Bul rette halyqaralyq deńgeıdegi osyndaı kezdesýler Qazaqstan úshin asa tıimdi bolmaq. Sebebi biz halyqaralyq jáne aımaqtyq proses­terdiń qatysýshysy bolǵandyqtan, syrtqy saıası ba­symdyqtarymyzdy túrli ortadaǵy saıası sarapshylar qaýymdastyǵyna utymdy jetkizemiz. Beıbitshilik baǵytyndaǵy Qazaqstannyń bastamalary álemge aıan. Onyń ishinde ıadrolyq qarýsyzdandyrý aımaqtyq qaýipsizdik pen turaqtylyqty qamtamasyz etýge arnalǵan tıimdi ári moıyndalǵan túrli bastamalar júzege asyrylýda. Sol sebepti eldiń syrtqy saıası basymdyqtaryn keńeıtip, qoldaýshylar aıasyn arttyrýǵa kóńil bólinbek, – dedi Prezıdenttiń keńesshisi.

Álem elderi qaýymdastyǵynyń ortaq alańyna bıyl besinshi márte qatysqan E.Qarın sońǵy úsh-tórt jylda «Valdaı» klýbynyń negizgi taqyryby Azııa elderine arnalǵanyn aıtty. Oǵan sebep, reseılik sarapshylar qaýymdastyǵy tarapynan Shyǵystyń róli artyp, Batys elderine básekeles bolýǵa tolyǵymen qaýqarly ekeni moıyndal-
ǵan.

– Osydan birneshe jyl buryn Reseı basshysy V.Pýtın «Shyǵysqa qaraı bet burý» degen syrtqy saıası tujyrymdamalyq bastamasyn kótergen bolatyn. Soǵan sáıkes Reseı turaqty túrde Shyǵystaǵy Azııa elderimen baılanysty nyǵaıtýǵa nıetti. Shyǵyspen baılanys týraly sóz bolǵanda Reseı bul baǵyttaǵy strategııalyq áriptesi Qazaqstanmen aradaǵy dostyq, yntymaqtastyq, saıası-ekonomıkalyq baılanystardyń jandanýyna nıetti. О́ıtkeni kórshi eldiń ózge memlekettermen aradaǵy qarym-qatynasyn bizdiń el arqyly túzeýge, jaqsartýǵa múmkindigi mol, – dedi
E.Qarın.

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar