Aımaqtar • 04 Qazan, 2019

Maqsat – qarjylyq mádenıetti qalyptastyrý

10 ret kórsetildi

Kenshiler astanasynda «Astana» halyqaralyq qarjy ortalyǵynyń delegasııasy memlekettik organdar, «Atameken» Ulttyq kásipkerler palatasy, sondaı-aq Qaraǵandy oblysynyń akademııalyq toptary ókilderimen kezdesý ótkizdi.

Kezdesý barysynda qarjy jáne ınvestısııa salasyndaǵy zamanaýı mamandardyń jetispeýshiligi áńgimege arqaý boldy. Sonymen qatar qarjy qyzmetterin tuty­nýshylardy qorǵaý jóninde turǵyndardyń habardar bolý deń­geıin kóterý, bıznesti júrgizý sharttary jáne ınvestısııa negizderi tý­­raly aqparattandyrýdy arttyrý sııaqty ózekti máseleler talqy­landy.

Shara barysynda jastar men akademııalyq toptardyń qarjylyq jáne ınvestısııalyq mádenıetin qalyptastyrý, ınvestısııa negizderi týraly aqparat berý maqsatynda jergilikti joǵary oqý oryndary stýdentteri men oqytýshylary úshin dárister uıymdastyryldy.

Qatysýshylar aldynda sóz sóılegen AHQO Basqarýshy dırektory, delegasııa basshysy Aıdar Qazybaev qarjy salasynda qajetti zamanaýı bilimmen qarýlanǵan maman kadrlardyń jetispeıtinin tilge tıek etti.

– Sondyqtan biz akademııalyq toptarmen kezdesý barysynda olardyń ózderiniń bilimderin, yntalaryn halyqaralyq qarjy sertıfıkattaryna qaraı beıimdeýi kerektigin aıtamyz. Nege deseńiz, álemge joǵary bilim emes, sertı­fıkattyń kóbirek bolǵany kerek. Biz dekandar men rektorlarǵa qarjy fakýltetteriniń joǵary kýr­syndaǵy stýdentterdi sertıfıkatqa synaq tapsyrýǵa daıyndalýyna arnalsa degen tilek aıtamyz, – dedi Aıdar Qazybaev.

Eske salsaq, ınvestısııalaýdyń negizderi týraly aqparatpen qam­tamasyz etý jáne qarjylyq qyz­metterdi tutynýshylardy qorǵaýdy maqsat etken bul is-shara dástúrli túrde qazannyń birinshi aptasynda álemniń 80 elinde ótkiziledi.

 

QARAǴANDY

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar