Saıasat • 04 Qazan, 2019

Joldaý – órkendeý órisi, kelisim kepili

9 retkórsetildi

Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda kórsetilgen aıqyn mindetter men atqarýshy organdarǵa júktelgen jańa tapsyrmalar eldiń áleýmettik-ekonomıkalyq órleýine baǵyttalǵan. Sondaı-aq saıası qujat osyǵan deıingi Elbasy Joldaýlarymen sabaqtasyp, memlekettiń ári qaraıǵy damý mejesin belgiledi.

El Prezıdenti Joldaýdyń basqy bóliginde Nazarbaev modelin teginnen-tegin atap otyr­ǵan joq. Joldaýda Pre­zı­dent Elbasy usynǵan Bes bastama men Ult jospary basty áleýmettik baǵyt bolyp qala beretinin atap ótti. So­nymen birge zaman tala­by­na saı tıimdi memleket qandaı baǵytta damıty­nyn, bul jolda ne isteý kerek­­ti­gin, qazaqtyń jalpaq tili­men jetkizgende, jiliktep kór­­se­tip berdi. Ásirese, halyq úni­­ne qulaq túretin bılik, keri baı­lanys, turǵyndardyń óti­nish-tilekterine jyldam jaýap qatyp, tıimdi sheshim usy­ný týraly bastamalar der ke­zinde kóterilgen, eń mańyzdy máselelerdiń biri der edim.

Osy oraıda Memleket basshysy «Halyq únine qulaq asatyn memleket» tujy­rym­­damasy týraly jańa mindet qoı­dy. Bul is – tek atqarýshy organdarǵa ǵana emes, barsha qazaqstandyqtarǵa ortaq. О́ıt­­keni beıbitshilikti basty usta­nymy etken Qazaqstan bár­imizdiń ortaq qara shańy­ra­­ǵy­myz. Al ondaǵy árbir refor­ma el múd­desine, jarqyn bo­la­shaqqa arnalǵan. О́ki­nishke qaraı, memleket ustanǵan kóp­vek­torly saıasatty synaı­tyndar, negizsiz sóı­lep, ha­lyq­ty arandatýǵa deıin apa­ra­tyn, ty­nysh­tyǵymyz ben tu­­tas­­tyǵymyzǵa syzat tú­sir­­gisi keletin jandar joq emes. Son­dyqtan eldegi tu­raq­­­ty­lyqty saqtap, eń bas­­ty qun­dyly­ǵymyz – táýelsiz­digi­miz­di kózdiń qarashyǵyndaı qorǵaı­myz desek, ózara dıalog pen kelisimniń mańyzy zor.

«Keńesti el – kemimes» deı­di halyq danalyǵy. Mem­leket basshysy azamattyq qoǵam jumysyn jandandyryp, halyq pen bılik arasyn­da tyǵyz baılanys ornatý úshin Ulttyq qoǵamdyq senim keńesin qurdy. Mundaǵy maq­sat – mańyzdy mem­lekettik má­se­lelerdi talqylaýǵa aza­mat­tyq qoǵam ókilderin tartyp, ortaq sheshim shyǵarý. Nátıjesinde, memleketke degen senim nyǵaıady, halyq arandatýshy túrli toptardyń izine ermeı, turaqtylyq pen tynyshtyqta ómir súredi. Biz Joldaýdyń ár sóıleminde aıtylǵan negizgi oıdy halyqqa túsindirip, aqparat quraldary men áleýmettik jeliler arqy­ly pikir bildirip, ún qosýy­myz qajet. Joldaý aıasynda berilgen tapsyrmanyń ár­qaı­sysy mańyzdy jáne óz sheń­berinde sheshimin tappaǵan túıtkilderi de bar. Mundaıda tıimdi usynys pen utqyr ıdeıa, áralýan pikir men ashyq talqylaý, mámile men ortaq kelisim basty orynǵa shyǵady. Prezıdentimiz senim keńesimen birge keri baılanys jumysyn kúsheıtýdi tapsyrdy.

Baılanys quraldary qa­rysh­tap damyǵan HHI ǵasyr­da jergilikti atqarý­shy bılik te utqyr jumys isteýi kerek. Tehnologııa ǵasyrynda tur­ǵyndardyń talap-tilegi­ne, aryz-shaǵymyna ún qat­paý, ótinishterine jaýap ber­­meı, ári-beri sabyltyp qoıý degenimiz – naǵyz kertart­pa­lyqtyń kórinisi. Bul búkil memlekettik qyzmetke nuq­san keltiretin, elimizdiń stra­t­egııalyq damý josparyn tejeıtin jaýapsyzdyq dep esepteımin. Prezıdent osyndaı túıtkilderdi nazarǵa ala otyryp, turǵyndardyń muq­taj­dyǵyna kóńil bóletin ar­naıy bólim quryl­ǵanyn aıt­ty. Bul bolashaqta keri baı­lanystyń sapaly kórsetkishi bolady degen oıdamyn. Bólim­niń basty eskeretin dúnıesi – jedeldik. Qysqasy, bólimde aza­mattardyń ótinishteri qan­shalyqty tez qaralatyny qadaǵalanady.

Prezıdent qoǵamdyq dıalogty, ashyq­tyqty, adamdar­dyń muqtajdyǵyna jedel nazar aýdarýdy negizgi basymdyq re­tin­de kórsetti. Qazirgi tań­da keri baı­lanys­tyń taǵy bir úlken jáne aýqymdy qura­ly retinde ǵalamtor múmkin­di­gin aıtar edim. Halyq buryn­ǵydaı emes, búgin­de baılanysy syn kótermeıdi deıtin aýyldyq aımaqtardyń ózinde áleýmettik jelide óte belsendi. Beıneúzikterge, post jazbalaryna shalǵaı jerlerden pikir jazyp, qyzý talqylap otyrady. Sondyqtan Qasym-Jomart Toqaevtyń bas­tama­­symen júzege asqan áleýmet­tik jelilerge tirkelý jumysy birden-bir quptarlyq is. Son­daı-aq bul az ýaqytta óz nátı­jesin berip úlgerdi de. Áleý­mettik jelide paraqsha ash­qan oblys, qala, aýdan jáne aýyldyq okrýg ákimderi, túrli mekeme basshylary turǵyn­darmen únemi baılanysta bolyp, jumyla jumys júrgizýge beıimdeldi. Búginde ár ákimniń kúndelikti jumysymen kez kelgen turǵyn tanysyp, bilip otyrady. Ol az deseńiz, pi­kir jazyp, ákimge usy­nys-keńes aıta alady, óziniń óńiri jaı­­ly bastamalar kóterýge múm­kin­digi bar. Menińshe, Joldaýda kóterilgen keri baı­la­nystyń jarqyn mysaly áleýmettik jeli­degi belsendilik dep aıtý­ǵa bolady.

Memleket basshysy Jol­daý­da azamat­tyq qoǵamnyń belsendiligin arttyrý týraly aıtty. Bul rette úkimettik emes uıym­dardyń bedelin kúsheıtý qajet. Úkimettik emes uıymdar damyǵan demokra­tııaly elderde mańyzdy rólge ıe. Tipti aýqymdy másele­ler­­diń tez sheshimin tabýyna osyn­daı uıymdar túrtki bo­la­dy. El Prezıdenti Jol­daýda Azamattyq qoǵamdy damy­týdyń 2025 jylǵa deıingi Tujyrymdamasyn ázirleýdi tapsyrdy. Tujyrymdama árbir Qazaqstan azamatynyń qoǵamdyq ómir­degi belsen­di­ligin arttyryp, jas urpaq­­tyń ózindik oı-pikirin qalyp­tas­tyrýyna, zamanaýı memleketti maqtanysh etetin otanshyldyq rýhta tárbıelenýine úlken septigin tıgizeri sózsiz.

Nurlan QYLYShBAEV,
Senat depýtaty

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar