Aımaqtar • 04 Qazan, 2019

Túrkistan oblysynda egisti alqapty jańbyrlatyp sýarý ádisi qolanylatyn bolady

63 ret kórsetildi

Agroónerkásip kesheni salasyndaǵy «Túrkistan agro» ınvestısııalyq jobasy aıasynda oblysta egisti alqapty jańbyrlatyp sýarýǵa múmkindik beretin mashına traktor stansııasy qurylýda. Osy maqsatta AQSh-nan 18 birlik sýarý mashınasy jáne 27 aýylsharýashylyǵy tehnıkasy satyp alynǵan. Bul týraly Túrkistan oblysy ákimdiginiń baspasóz qyzmeti habarlady.

Jalpy quny 1,5 mlrd teńgege jýyq qyrýar jumys «Qazagrofınans» AQ-nyń tarapynan lızıngilik shart negizinde nesıelendirilýde. Jańa sýarý ádisiniń arqasynda tipti dıqandardyń óz kúshterimen ıgere almaı júrgen bos jatqan jerleri tıimdi paıdalanylatyn bolady. Jańbyrlatyp sýarý ádisi bolashaqta kıeli Túrkistan ólkesiniń kógaldandyrylýy men jańa mıkroklımattyń qalyptasýyna oń áserin tıgizedi. Ázirge bul jumys túri oblys ortalyǵynan 12 shaqyrym jerde ornalasqan Shaǵa aýylynan bastaý almaq.

Búgingi tańda bólingen 200 gektar jerdiń teń jartysynan astamy jyrtylyp, óńdelgen. Dándi-daqyldardyń uryǵyn jetkizýdi «Qazaq eginshilik jáne О́simdik sharýashylyǵy ǵylymı-zertteý ınstıtýty» JShS júzege asyrýǵa daıyn. Atalǵan ınstıtýt keıinnen barlyq agrotehnıkalyq is-sharalarǵa qoldaý kórsetetin bolady. Aýyl sharýashylyǵy salasynda keńinen etek jaıǵaly otyrǵan mashına stansııasynyń tıimdi tustary kóp. Tehnıkalyq qyzmet kórsetýde qarapaıymdylyǵymen erekshelenedi. Ári qaýipsiz. Energııa kózi retinde dızel generatory qoldanylady. Eń bastysy – ekonomıkalyq tıimdi. Jańbyrlatyp sýarý ádisiniń arqasynda aryqpen sýarylǵan jerlerge qaraǵanda astyq molyraq jınalatyn kórinedi.Qazirgi tańda jobany qoldap, basy-qasynda jumysqa etene aralasa iske asyryp júrgen «Aq jol» JShS men «Túrkistan» ÁО́K» AQ.

 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar