Álem • 04 Qazan, 2019

Oman Qazaqstan azamattary úshin vızalyq talaptaryn jeńildetpek

43 retkórsetildi

Qazaqstan Elshisi Nájmedın Muhametáli Oman Sultandyǵynyń Týrızm mınıstri Ahmed ál-Mahrızımen kezdesip, Qazaqstan men Oman arasyndaǵy týrıstik qarym-qatynastardyń ahýaly men bolashaǵyn talqylady. Bul týraly SIM baspasóz qyzmeti habarlady.

Qazaqstan Elshisi 2019 jylǵy 30 qyrkúıekten bastap Oman azamattary úshin Qazaqstan aýmaǵynda 30 kúndik merzimge deıin vızasyz bolý tártibi engizilgeni týraly málimdedi. Qazaqstan dıplomaty bul qadam tek týrızm salasyndaǵy qarym-qatynastardy ǵana damytyp qoımaı, jalpy saýda-ekonomıkalyq yntymaqtastyq pen árekettestikti odan ári jetildirýge jol ashatynyna senim bildirdi. Osy rette, Oman tarapynan qarymta sharalar kútetinin jetkizdi.

Oman Sultandyǵynyń Týrızm mınıstri A.ál-Mahrızı Qazaqstannyń bul sheshimin joǵary baǵalap, rızashylyǵyn bildirdi jáne Oman tarapynyń da tıisti qarymta sharalar qabyldaý qajettiligine nazar aýdardy. Qazaqstan azamattaryna Omanǵa vıza rásimdeýdi jeńildetetinin atap ótti. Osy oraıda, ol alǵashqy qadam retinde Oman tarapy qazaqstandyq azamattarǵa elektrondyq vıza engizetinin jáne jaqyn bolashaqta Qazaqstan azamattary (AQSh jáne basqa da damyǵan Batys elderiniń azamattary sııaqty) vızany Omannyń tikeleı áýejaılarynda jáne basqa da shekaralyq beketterinde alý múmkindigine ıe bolatynyn habarlady.

A.ál-Mahrızı elimizdiń týrıstik áleýetin atap ótip, Qazaqstannyń joǵaryda atalǵan qadamyn Qazaqstanǵa baratyn omandyq týrıster sanynyń kúrt artýyna alyp keletinine senim bildirdi. Sondaı-aq taraptar jaqyn bolashaqta Qazaqstan men Oman arasyndaǵy tikeleı áýe reısiniń ashylýyna úmit bildirip, atalǵan baǵytta tıisti sharalar qabyldaýǵa kelisti.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar