Álem • 04 Qazan, 2019

Úndistanda qazaqstandyq jáne úndilik birlesken oqý-jattyǵýlar bastaldy

38 retkórsetildi

Pıthoragarh qalasyna jaqyn jerde ornalasqan áskerı polıgonda «Qaz-Ind-2019» qazaqstandyq jáne úndilik birlesken oqý-jattyǵýlar bastaldy. Shara qarsańynda Úndistanǵa Qazaqstan Qurlyq áskerleri «Ońtústik» óńirlik qolbasshylyǵynyń áskerı qyzmetshiler jasaǵy keldi. Bul týraly Qorǵanys mınıstrliginiń baspasóz qyzmeti habarlady.

Eki apta boıy halyqaralyq jıyntyq bólimshe quramynda 60 qazaqstandyq áskerı qyzmetshi úndi áriptesterimen trenıngterge qatysyp, tájirıbe almasyp, taý jaǵdaıynda shartty zańsyz áskerı qurylymdardy oqshaýlaý jáne joıý boıynsha is-qımyldardy teorııada júzinde zerttep, is-júzinde pysyqtaıtyn bolady.

Qazirgi tańda oqý-jattyǵýǵa qatysýshylar, quramynda ár memleketten 60 adam bolatyn qazaqstandyq jáne úndilik áskerı qyzmetshilerdiń jıyntyq bólimshesin qurýǵa kirisip ketti.

Qazaqstannyń Qurlyq áskerleri Bas qolbasshysy basqarmasynyń jaýyngerlik daıyndyqty uıymdastyrý basqarmasy bastyǵy polkovnık Marat Ábdihalyqov úndi eliniń qonaq jaılylyǵyna alǵys aıtyp, sonymen qatar terrorızmge qarsy kúrestiń jańa tásilderin zertteýdegi oqý-jattyǵý eki eldiń áskerı qyzmetshilerine ólsheýsiz paıda ákeletinine senimdilik bildirdi.

Úndi Qarýly Kúshteriniń 111-shi jeke mehanıkalandyrylǵan brıgada komandıri general Mandel, onyń bólimshesindegi jaýyngerler birlesken oqý-jattyǵýlarǵa qatysqanyna, jańa tájirıbe jınap jáne almasatynyna  qýanyshty ekenin aıtty.

Oqý-jattyǵý Qazaqstan men Úndistan Qorǵanys mınıstrlikteri arasyndaǵy eki jaqty yntymaqtastyq josparyn júzege asyrý sheńberinde uıymdastyrylyp otyr. Úndi eline oqý-jattyǵý barysyn baqylaýǵa Qazaqstan Qurlyq áskerleri Bas qolbasshysynyń orynbasary general-maıor Dáýlet Ospanov keledi dep josparlanyp otyr.

Bul qazaqstandyq jáne úndi áskerı qyzmetshileriniń birlesken jumysyndaǵy birinshi kezdesý emes ekendigin aıta ketken jón. «Qaz-Ind» alǵashqy oqý-jattyǵýy 2018 jyly Qazaqstandaǵy gvardııalyq garnızonynda ótti. Ol kezderi birlesken tájirıbelik is-qımyldar barysynda zańsyz áskerı qurylymdarmen kúres jónindegi áskerı is-áreketterdiń biryńǵaı algorıtmi pysyqtaldy. Birlesken jumysta eki eldiń áskerı qyzmetshileri jaqsy tájirıbe jınady.

О́tken jylǵy «Qaz-Ind-2018» oqý-jattyǵýyna Qazaqstannyń atynan, qazirgi kezde Úndistandaǵy birlesken jumysqa qatysyp jatqan «Ońtústik» óńirlik qolbasshylyǵynyń áskerı bólimderi tartyldy.

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar