Bul týraly oblys ákimi О́mirzaq Shókeev ustazdardyń kásibı merekesine arnalǵan saltanatty jıynda málim etti. Sondaı-aq oblys ákiminiń málimdeýinshe, Tóle bı aýdanynda «Bi group» kompanııasy balalardy joǵary oqý oryndaryna daıyndaıtyn 200 oryndyq ortalyq salyp bermek. «Bolashaq» sekildi arnaıy baǵdarlama jasalyp bilikti muǵalimder joǵary synyp oqýshylaryn ýnıversıtetterge daıyndaıtyn bolady. Saltanatty jıynda О́mirzaq Estaıuly balalyq shaǵynda bilim bergen ustazdaryn da eske alyp ótti. Báıdibek aýdanynyń ortalyǵy Shaıanda alǵan bilimimen shetelde oqý qıyndyq týdyrmaǵandyǵyn jetkizdi.
Merekelik jıynda qyzmet babynda úzdik dep tanylǵan ustazdar Túrkistan oblysy ákimi men máslıhatynyń «Qurmet gramotasymen», «Alǵys hatymen», Túrkistan oblystyq adamı áleýetti damytý basqarmasy men oblystyq kásipodaq komıtetiniń «Qurmet gramotasymen», Qazaqstan salalyq bilim jáne ǵylym qyzmetkerleri kásiptik odaǵynyń «Bilim jáne ǵylym qyzmetkerleriniń kásiptik odaǵyna sińirgen eńbegi úshin» belgisimen marapattaldy. Al ardager ustazdarǵa oblys ákiminiń atynan arnaıy syılyqtar men gúl shoqtary usynyldy. Jastar jylyna oraı jas muǵalimderdiń ózin - ózi jetildirýine, kásibı jáne shyǵarmashylyq áleýetin damytýǵa jaǵdaı jasaý maqsatynda ótkizilgen «Úzdik jas muǵalim-2019» oblystyq baıqaýynyń jeńimpazdary da arnaıy marapattarǵa ıe boldy.
