Sport • 04 Qazan, 2019

Sheraǵańnyń týrnıri márege jetti

285 retkórsetildi

Almatydaǵy «Bastaý» klýbynda Halyq jazýshysy, kórnekti memleket jáne qoǵam qaıratkeri Sherhan Murtazany eske túsirýge arnalǵan BAQ ókilderi arasynda bılıardtan týrnır ótti.  Bul dodaǵa respýblıkamyzdyń birqatar aımaqtarynan kelgen televızııa men baspasóz ardagerleri jáne osy salada eńbek etip júrgen jýrnalıster qatysty.

Aıtýly týrnırdiń shymyldyǵyn ashqan «Egemen Qazaqstan» RG AQ Basqarma tóraǵasy Darhan Qydyráli osymen úshinshi márte uıymdastyrylyp otyrǵan dástúrli dodanyń máni men mazmuny tereńde jatqanyn atap ótti. «Bul týrnır aqıqattyń aldaspany, shyndyqtyń shyraqshysy atanǵan Sheraǵańnyń 85 jyldyǵy qarsańynda bastalǵan bolatyn. Al búgingi basqosýdyń orny tipten erekshe. Nege deseńizder, ózderińiz kórip otyrǵandaı Almaty qalasynyń ákimi Baqytjan Saǵyntaev myrza osy jarystyń ashylý saltanatyna arnaıy keldi. Bıylǵy jyldan bastap ákimdik osy týrnırdi óz qamqorlyǵyna alyp otyr. Biz óz kezegimizde barsha qalamgerler men el gazeti – «Egemenniń» atynan osyndaı izet bildirip otyrǵan shahar basshysyna zor rızashylyǵymyzdy bildiremiz», dedi Darhan Qydyráli.

Kópshilikke quttyqtaý sózin arnap, qatysýshylarǵa aq jol tilegen Baqytjan Saǵyntaev: «Sherhan aǵamyzdyń shertken syrly estelikteri áli kúnge deıin kóńilimizde qattaýly. Qalamgerdiń mirdiń oǵyndaı qylyp aıtqan árbir sózi kúni búgingideı qulaǵymyzda. Jazýshylyq qyrynan bólek, qaıratkerligimen de el esinde qalǵan eren tulǵanyń esimin ardaqtaý bizder úshin uly paryz dep bilemiz. Sheraǵanyń Parlament minberinen ún qatqan paıymdy oılary qoǵamnyń kóz aldynda ańyzǵa aınaldy. Asyl aǵamyzdyń aramyzdan ketkenine bir jyl boldy. Sherhan Murtaza turǵan úıdiń qabyrǵasyna ilinetin eskertkish taqta daıyn. Mundaıda qaǵazǵa túsirilgen belgili bir shekteýler bar. Ony buzý úshin jiger kerek. Sebebi, Sheraǵanyń salmaǵy shekteýdiń salmaǵynan mıllıon ese artyq», degende jınalǵan qaýym dý qol shapalaqtady.

Jarys eki jas ereksheligi boıynsha ótti. 55 jasqa deıingiler saıysynda bas júldeni «Almaty» telearnasy jańalyqtar bóliminiń shyǵarýshy redaktory Úmbetáli Meımesh oljalady. Ekinshi oryndy «Jambyl» telearnasynyń qyzmetkeri Serik Tájibaev ıelense, Jambyl oblysy Jýaly aýdanynyń «Jańa ómir» gazetiniń bas redaktory Berik Jumabaıuly úshinshi satyǵa taban tiredi.

Al ardagerler arasyndaǵy aqtyq báseke qazaq televızııasynyń kórnekti ókili Nurtileý Imanǵalıuly men  professor Aıazbı Beısenqul arasynda órbidi. Bul tartys N. Imanǵalıulynyń paıdasyna sheshildi. A.Beısenqul ekinshi oryn alsa, Jazýshylar odaǵynyń basqarma hatshysy Ǵalym Qalıbekuly úshinshi satyǵa jaıǵasty.

Halyq jazýshysy Sherhan Murtazany eske túsirýge arnalǵan jarystyń  jeńimpazdaryna 150 myń teńge men arnaıy kýbok tabystalsa, júldegerler 100 jáne 50 myń teńgeden enshiledi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar