05 Qazan, 2019

Mańǵystaýlyq dárigerler emizik jutqan 2 jasar balaǵa ota jasady

49 ret kórsetildi

Mańǵystaý oblystyq Densaýlyq saqtaý basqarmasy baspasóz qyzmetiniń habarlaýynsha, Jańaózen qalasynyń 2 jasar turǵyny Abylaıhan Satybaldy oınap otyryp aýzyndaǵy emizikti (soska) jutyp qoıǵan. Qaqalǵan balany ata-anasy shuǵyl Mańǵystaý oblystyq balalar aýrýhanasyna jetkizgen. Al búldirshin bolsa toqtaýsyz qusyp, álsirep, denesi qurǵaı bastaǵan.  

- Balanyń bizge alǵash túsken kezde jaǵdaıy aýyr boldy. Sebebi ishken astyń barlyǵyn keri qaıtarǵan. Bozaryp, as-sý ishe almaǵasyn, shóldegeni sonshalyq, balanyń denesi qurǵaı bastaǵan. Ata-anasynyń ruqsatyn alyp, ota jasaldy. Ota sátti aıaqtaldy, balanyń qazirgi jaǵdaıy jaqsy, tamaq pen sýsyn iship jatyr. Meniń 21 jyldyq tájirıbemde osyǵan uqsas jaǵdaılar bolyp turatyn. Kóbine tıyn, plastıkalyq oıynshyq, juldyzshany jutyp qoıǵan balanyń óńeshinen alyp júrmiz, - deıdi Travmotologııa-ortopedııa bóliminiń meńgerýshisi, joǵary sanatty balalar hırýrgy Qurman Qaıranov.

Osyndaı jaǵdaıdy boldyrmas úshin dárigerler ata-ana muqııat bolsa degendi aıtady, ásirese, kishkentaı balanyń árbir qımylyn qadaǵalaǵan durys.

Qazir kishkentaı naýqastyń jaǵdaıy jaqsy, onyń densaýlyǵyna tónip turǵan qaýip joq. Jaqyn kúnderi 2 jasar Abylaıhan Satybaldy úıine jiberiledi.

 

Mańǵystaý oblysy

                          

 

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar