05 Qazan, 2019

Semeıge FlyArystan-nyń alǵashqy reısi ushyp keldi

44 retkórsetildi

FlyArystan avıakompanııasynyń «Nursultan-Semeı» baǵytyndaǵy alǵashqy reısi keshe túnde Semeıge ushyp keldi. Alǵashqy reısinde-aq onyń 180 oryndyq salony tolyq boldy. Semeı jerine qonysymen baspasóz-brıfıngi uıymdastyryldy. ​Semeı qalasynyń ákimi Ermak Sálimov qala halqyn osyndaı qýanyshty sátpen quttyqtady.

- Barlyǵyńyzdy kópten kútken qýanyshtaryńyzben quttyqtaımyn, - dedi Ermak Bıdahmetuly. - Endi, mine, Semeıdegi avtobýs kóligi, temirjol qatynasy sııaqty jolaýshylar qozǵalysy tasymalyna oraı áýe tasymaly da qosylyp, qalaaralyq, halyqaralyq qatynastar joǵary deńgeıge kóterildi. FlyArystan avıakompanııasyna da qala halqy atynan rızashylyǵymyzdy bildiremiz. Bul áýejaıdyń tolyqtaı kúrdeli jóndeýden ótip, zaman talabyna saı bolýyna úles qosyp, ár sapary barysynda qatań qadaǵalap, iske qosqan, halyq ıgiligine usynǵan oblys ákimi Danıal Ahmetov ekenin aıta ketkim keledi. Ushaqtyń ishki salondaryn kórip keldik. Barlyǵy da óte jaqsy. Al endi saparlaryńyz sátti bolsyn!

Áýejaıda  «Semeı halyqaralyq áýejaıy» JShS basqarma tóraǵasy Serik Orazǵalıev jáne FlyArystan avıakompanııasynyń marketıng jáne satý bóliminiń dırektory Janar Jaılaýova da óz taraptarynan izgi tilek, nıetterin bildirip jatty.

Janar Jaılaýovanyń aıtýynsha, Semeıden Nursultanǵa qatynaıtyn saparlar halyq ıgiligi úshin tómen baǵada satylmaq. Eger aldyn ala tapsyrys berip qoısa, bılet baǵasy bir baǵytta 5 myń, 7 myń teńge kóleminde bolady. Degenmen dál ushatyn kúni alsa, bılet baǵasy kóteriledi. Buryndary bul kompanııa Shymkent, Taraz, Pavlodar qalalarynda qyzmet etken.

 

Sýret avtordyki

 

Semeı

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Uqsas jańalyqtar