Sport • 05 Qazan, 2019

Mánerlep syrǵanaý: Elızabet Tursynbaeva Shanhaıda kúmis medal ıelendi

203 retkórsetildi

Qazaqstandyq tanymal mánerlep syrǵanaýshy Elızabet Tursynbaeva Qytaıda ótken Shanghai Trophy týrnırin kúmis medalmen qorytyndylady.

Qysqa baǵdarlamada 69,24 upaı jıǵan qazaq qyzy erkin baǵdarlamada 116,65 upaıdy qorjynǵa saldy. Osy nátıjeniń arqasynda Elızabet ekinshi oryndy ıelendi. Qorytyndy upaıy – 186,09. Al jarystyń bas júldesi áıgili Evgenııa Medvedevaǵa buıyrdy. Phenchhan Olımpıadasynyń eki dúrkin kúmis júldegeri, eki dúrkin Álem jáne Eýropa chempıony degen dardaı ataǵy bar Reseı sportshysy 191,78 upaıǵa qol jetkizdi. Myń buralǵan bul arýlardyń ekeýi de 19 jasta. Al qola medaldi 16 jastaǵy Ońtústik Koreıanyń jas juldyzy, Azııa kýbogynyń ıegeri Lım Yn Sý ıelendi. Onyń kórsetkishi – 184,64 upaı.  

Bıyl Álem chempıonaty, Dúnıejúzilik Ýnıversıada jáne «Tórt qurlyq birinshiliginde» kúmis medaldi moınyna ilgen Elızabet Tursynbaevanyń Shanhaıdaǵy kórsetkishi kóńilimizge qýanysh uıalatty. Sebebi ol jaraqatyna baılanysty alty aıǵa jýyq ýaqyt boıy muz aıdynyna shyqqan joq edi. Mine, uzaqqa sozylǵan úzilisten soń qazaq arýy dúbirli dodada taǵy da úzdikter qatarynan kórindi. 

 

 

 

 

     

 

  

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar