Qoǵam • 07 Qazan, 2019

Londondaǵy bıznes-forým

44 ret kórsetildi

Qazaqstannyń Ulybrıtanııadaǵy elshiligi, «Otandastar qory» KeAQ jáne «Dúnıejúzi qazaqtary qaýymdastyǵy» RQB jaqynda Londonda Ulybrıtanııada turatyn otandastary­myzdyń qatysýymen bıznes-forým uıymdastyrdy.

Bul shetelde turatyn otan­­­das­tarmen baılanys ornatý jáne nyǵaıtý boıynsha Qor baǵdarlamasy serııasyn­daǵy tórtinshi bıznes-forým. Shara­nyń negizgi maqsaty – Uly­brı­tanııadaǵy qazaq dıas­pora­sy ókilderimen isker­lik qarym-qatynas ornatý. Forýmǵa Qazaq­stannyń Uly­brı­tanııa­da­ǵy elshisi Erlan Ydy­rysov, Dúnıe­júzi qazaqtary qaýym­dastyǵy Tóraǵasynyń oryn­basary Jánibek Lesbekov, «Otan­dastar qory» KeAQ vıse-pre­zı­denti Maǵaýııa Sarbasov jáne qazaq dıasporasy ókilderi men Uly­brıtanııada oqyp júrgen qa­zaq­standyq stýdentter qatysty.

Maǵaýııa Sarbasov jıynǵa qatysýshylardy «Otandas­tar qory» jáne Dúnıejúzi qazaq­tary qaýymdastyǵynyń qyz­meti­men, sheteldegi dıasporamen jumys isteý jónindegi qordyń negizgi jobalary­nyń biri – álem boıynsha Qazaq mádenı-iskerlik úıi jelisin qurý jónindegi josparymen tanystyrdy.

Ortalyq keńsesi Qazaqstan astanasynda ornalasqan Qazaq mádenı-iskerlik úıi resmı ókili retinde shetelderde turatyn etnostyq qazaqtar tartylatyn iskerlik úıleri men mádenı ortalyqtar jelisin qurady. Olar qazaq mádenıetin, salt-dástúrin, ulttyq brendterin dáripteıdi jáne tildi saqtaıdy. Sondaı-aq qazaqstandyq eksportty, ónimderdi taratýǵa atsalysady. Bıznes-kelisimsharttar jasaýǵa qatysady, seriktesterdi, tyń bıznes ıdeıalar men ınnova­sııalyq startaptardy izdeıdi. Izraıl, Armenııa tárizdi elder­de mádenıetti ilgeriletý men bız­­nesti damytýda keńinen qol­da­nyl­­ǵan bul ustanym – dıas­pora ókiliniń bilim-biligi men tu­ratyn eliniń tutynys qajet­ti­ligi jaıly túsinigin durys baǵytta paıdalanýda naqty jemisin bergen.

Bıznes-forým barysynda qaty­sýshylar ózara is-qımyl, bıznes-bastamalardy ynta­landyrý jáne startaptardy qol­daý tetikterin egjeı-teg­jeıli talqylady.

Osy jaǵdaıdy paıdalana otyryp, qor ókilderi qazaq dıas­porasy arqyly Uly­brı­­tanııa naryǵyna qazaq­stan­­dyq ónimderdi, atap aıtqan­da aıran, shubat, qymyz sııaqty sút ónimderin jáne eýropa­lyq­tardyń qyzyǵýshylyǵyn týdy­ratyn basqa da ónim­der­di shyǵarý máselelerin talqy­lady. Sonymen qatar Londonda «Astana Opera», «Astana Balet», Qurmanǵazy atyndaǵy orkestr sııaqty mádenı jáne ult­tyq brendterdi ilgeriletý, dıas­pora arasynda tildi saqtaý, son­­daı-aq «Abaı» mádenı orta­ly­ǵyn qurý máseleleri qozǵaldy.

Sońynda Qor ókilderi kezde­sýge qatysýshylardyń barly­ǵyn osy jyldyń qarasha aıynda Túrkistan qalasynda ótetin otandastardyń birinshi forýmyna shaqyrdy.

Londondaǵy bıznes-forým Mıýnhen, San-Fransısko, Ys­tan­bul jáne Tashkent qala­laryn­daǵy kezdesýlerden keıin­gi besinshi jıyn. Túrli elderde turatyn otandastarmen osyndaı kezdesýlerdi aldaǵy ýaqytta GFR, AQSh, QHR, О́zbekstan, Túr­kııa jáne Reseı elderinde ót­k­izý josparda bar. Al kele­si bıznes-forým osy aıda Stok­golmde (Shvesııa) ótedi dep kútilýde.

 

Daıyndaǵan

Joldybaı BAZAR,

«Egemen Qazaqstan»

 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar