Aımaqtar • 07 Qazan, 2019

Aqbóken atqany úshin aıybyn tóledi

26 ret kórsetildi

Batys Qazaqstan oblysynyń Aqjaıyq aýdany prokýratýrasy qadaǵalaý aktisi arqyly memleket paıdasyna 10,8 mln teńge óndirip aldy. Bul aqbóken aýlap, múıizin satý sekildi qylmys jasaǵan tulǵalardyń tıgizgen materıaldyq zalaly bolatyn.

Jańa­­qala aýdandyq soty­nyń 2019 jylǵy 20 naýryzda shyǵar­ǵan sot úkimimen osy aýdannyń Jýalyoı aýylynda turatyn úsh jigit Qylmystyq kodekstiń 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha sottalǵan bolatyn. Olar 1,5 jylǵa bas bostandyǵy shektelip, 100 saǵattyq májbúrli eńbekke tartylǵan. Jáne memleket paıdasyna 10 822 500 teńge materıaldyq zalal jáne 324 675 teńge memlekettik baj óndirilýi tıis bolatyn.

Oqıǵa bylaı bolǵan: 2018 jyly 18 jeltoqsan kúni Jańa­qala aýdany Jańaqazan aýyl­dyq okrýgine qarasty Jýalyoı aýyly­nyń turǵyndary S.Rys­paev pen M.Quspanov qos atpen mal izdep shyǵady. Olarǵa jol­daǵy Eshki qystaǵynda tu­ra­t­yn E.Kadın qosylady. Túnde jaıylyp júrgen aqbóken úıirine kezdesip, atpen qamap, úsh serkesin atyp alǵan. Onyń múıizin kesý úshin jolda bir mal­shynyń úıinen qolara surap alǵan. Sóıtip júrgende 19 jel­toq­­san kúni túngi 02.00. saǵat sha­ma­synda «Ohotzooprom» ıns­pe­ktorl­arynyń qolyna túsken. Bultartpaıtyn aıǵaqtar­men qolǵa túsken brakonerler sot kezinde qylmysyn tolyq moıyndap, istegen isterine ókinish bildirgen.

Alaıda kináliler sot úkimine sáıkes tóleýi tıis 10,8 mln teńge qarjyny tóleýge asyqpapty. Bıylǵy 15 mamyrdan beri sottalǵandar bar bolǵany 180 myń teńge ótegen.

«Prokýrorlar aqparattyq júıelerdi qoldana otyryp, boryshkerlerdiń menshiginde 105 iri qara mal jáne 382 qoı baryn anyqtady. Prokýra­týra­nyń usynýy boıynsha «At­qarý­shylyq is júrgizý jáne sot oryndaýshylarynyń márte­besi týraly» Zańnyń 32, 66-bap­tary­n­yń tártibinde sot oryndaý­shy múliktiń tizimdemesin jasap, múlikke tyıym salyndy», deıdi Batys Qazaqstan oblysy prokýrorynyń BAQ-pen baılanys boıynsha aǵa kómekshisi Baýyrjan Ahmetjan.

«Úkim ýaqytynda oryndalmasa, sottalýshylardyń ıeli­gindegi mal bazarǵa shyǵarylyp, aýksıon­ǵa salynady» degen eskertýden keıin boryshkerler qalǵan somany tolyǵymen ótep tastapty.

2019 jyldyń basynan beri aýdan prokýratýrasy atqarý­shylyq is júrgizý salasynda 2 usyný engizip, 13 mln teńge ón­dirgen. 3 sot oryndaýshysy tár­tiptik, 2 boryshker ákimshilik jaýapkershilikke tartyldy.

 

Batys Qazaqstan oblysy

 

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Aptanyń mańyzdy 10 jańalyǵy

Qoǵam • Búgin, 11:00

Uqsas jańalyqtar