Almaty Sherhan Murtazany eske aldy

Igilikti istiń basy-qasynda júrgen Almaty qalasy ákim­diginiń qoldaýymen Alash­­tyń ar­daqty jazýshysyn qurmetteý onyń Keńsaıdaǵy qabiriniń ba­syna qulpytas qoıýdan bas­taldy. Osy oraıda Sheraǵanyń qulpytasyn ázirlep, jasaýǵa tikeleı at­salysqan, uıytqy bol­ǵan Túr­kistan oblysy, Túl­kibas aýdanynyń azamattary ekenin  rızashylyqpen atap ótkenimiz jón.

Is-sharaǵa jazýshynyń ul-qyzy, el jaqtaǵy aǵaıyn-týys­tary, týǵan jeri Jam­byl, Qyzyl­or­da, Túrkistan, Almaty ob­lys­­­ta­rynyń delegasııalary, Qa­zaqstan Ja­zýshylar oda­ǵy­nyń aımaq­tardaǵy bó­lim­sheleriniń bas­shylary  arnaıy kelip, tá­ýelsizdiktiń eleń-ala­ńynda basyn báı­gege tigip, hal­qynyń janyna jalaý bolǵan qazaq jýr­nalıstıkasynyń sar­daryn eske alyp, arystandaı aıbatyn, narkeskendeı namysy men qaıratyn tanytatyn oqıǵalardy eske alyp, áserli estelikterdiń tıegin aǵyt­ty. Qabir basynda Quran ba­ǵyshtap, rýhyna taǵzym jasady. Qytymyrlyǵyn tanyta keletin qazan aıynyń sáskege taıap qalǵan tańy bolsa da kún­degi salqyn syzy óz-ózinen se­ıilip, janǵa jaıly maı toń­ǵysyz kún Sher-aǵań týraly taǵylymdy esteliktermen tipti jylyna tústi. Fánı men baqı arasynda jaqsy aty qalyp, eki dúnıeni uly rýhymen jalǵap jatqan jazýshyny eli esine alyp turǵanda, áýeleı ushqan bir top aq kepter tynyp turǵan kúzgi aspandy ersili-qarsyly eki ret kesip ótti. Aıaq asty paı­­­­da bolǵan aq kepterler ar­daq­tap jatqan Almatysyna, umy­ta almaı júr­genderdiń ulaǵat-ulyqtaýyna aldas­pan jazýshynyń alystan jol­daǵan alǵysy sekildi kórinip, saǵynysh tolǵan sherli kóki­rekter Sher-aǵańnyń sálemin únsiz túsingendeı, kókke kózin qadap turdy...

Budan keıin qazaq kósem­só­ziniń qolbasshysyn eske alý M.Tólebaev kóshesindegi, №98 úıdiń janynda jalǵasty. Munda da oqyrmannyń kóńiline qanat bitirip, janyna rýh be­retin ǵa­jaıyp shyǵarmalar qaldyrǵan sýretkerin saǵynǵan qaýymnyń qarasy qalyń bol­dy. Qazaq tiliniń muńyn muń­dap, joǵyn joqtaǵan, shyn­dyqtyń shyraqshysyndaı bol­ǵan Sher-aǵany máńgi este qal­dyrý maqsatynda bes qabat­ty tas úıdiń qabyrǵasyna me­morıaldy taqta ornatyldy. Turǵan úıine eskertkish taq­ta ornatý rásiminde Almaty qala­synyń ákimi Baqytjan Saǵyn­taevtyń tebirene sóılegen sózi kópshiliktiń boıyn shymyrlatyp jiberdi. «Bizde kóp dúnıe qaǵazǵa baılanysty sheshiledi. Qaǵazǵa áldeneni jazamyz da, sol sııanyń artyndaǵy aza­mat­­tyń kim ekenin umytyp ketemiz. Biz bárin tarazyǵa salyp qoıamyz. О́kinishti-aq. Osyny jasap júrgen ózimiz. Al Sheraǵamyzdyń dúnıeden ótkenine jyl tolyp jatqan kezde, qaǵazǵa qarap qalamyz ba? Joq, el  ekenimizdi, qazaq ekenimizdi kórsetemiz be? Osy­laı qaǵazdyń bárin ysyryp tastap sheshim qabyldadyq. Mundaı sheshim bir jyldan keıin emes, bes jyldan keıin emes, marqum bolǵan kúnniń erteńinde qabyldanýy kerek. О́ıtkeni bul azamat – eldiń azamaty. Tek «elim» dep qana ótti. Sol sebepti osyndaı izgi sharýanyń basy-qasynda júr­genime qýanyshtymyn», dedi qala ákimi ár adamnyń kóńilin tolqytyp turyp. Rasynda da Baqytjan Ábdiruly aıt­qan­daı, bul eskertkish taqta Sher-aǵań­nyń ózine keregi joq. Taqta adam­darǵa, halyqqa kerek. Moınyn buryp qarap, «Sher-aǵań turǵan úı eken ǵoı» dep súıikti jazý­shysyn taǵy bir eske alady. Shyǵarmasy oıǵa oralady. Úıine kelip ul-qy­zyna ónegeli sózin aı­tady. Sondyqtan mundaı taq­taı­shalardyń tárbıelik máni zor.

Sherhan Murtazaǵa arnalǵan shara Qabyldaý úıinde berilgen jyldyq asymen jal­ǵasyn tapty. Asqa Sherhan Murtazanyń kózin kórgender, birge qyzmet istegen áriptesteri, shákirtteri qatysyp, estelikterimen bó­listi.

ALMATY