Rýhanııat • 07 Qazan, 2019

Kóksheni kórkem ánmen kórikti etti

78 retkórsetildi

Qazaqstan Respýblıka­synyń Tuńǵysh Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda Úkili Ybyraı atyndaǵy Aqmola oblystyq fılarmonııasynyń óner maýsymy Birjan saldyń 185 jyldyǵyna arnalǵan «Gákkýletken, aqqý jetken Kókshetaý» atty IV óńiraralyq festıvalimen ashyldy.

О́ner keshine Birjan saldyń shóberesi Maral Temirtasov pen Úkili Ybyraıdyń nemeresi Ele­mes Esetqyzy qurmetti qo­naq retinde qatysty. Bıylǵy fes­tıvaldiń basty ereksheligi – án merekesine Almatydaǵy Qur­manǵazy atyndaǵy Qazaq ult­­tyq konservatorııasynyń bir top oqytýshylarynyń arnaıy kelýi boldy. Aldymen baspasóz máslıhaty ótkizildi. О́ner izin in­detken jıynda halyq ánderine qatysty keıbir jańsaqtyqtar týraly, án mátinderiniń ózgeriske ushyraýy, qaısybir ánshilerdiń án tarıhyna boılamaı, túsinbestik týyndap jatatyn jaılar áńgime ózegine aınaldy. Birjan saldyń shóberesi Maral Temirtasov Bir­jan sal aýdanyndaǵy baba rýhyna arnalǵan is-shara týraly da tarqatyp aıtyp, osy mádenı sharanyń ótýine uıytqy bolǵan aýdan ákimi Ermek Nuǵymanovqa zor alǵysyn bildirdi. Sondaı-aq án óneriniń maıtalmandary kúni buryn festıval aıasynda Birjan babanyń týǵan jerine arnaıy baryp, jergilikti ónersúıer qaýymǵa konsert qoıyp, ózderi de rýhanı qýat alyp kelgendikterin tilge tıek etti.

Jıynda oryndy kóterilgen másele – Arqa án óneriniń kók­jıegin kórkeıtip turǵan tul­ǵalardyń nasıhattalmaýyna qa­tysty boldy. Máselen, eli­mizde Ámire Qashaýbaev, Júsipbek Ele­bekov atyndaǵy respýb­lıkalyq án baıqaýlary ótkizilip turady. Biraq án óneriniń bastaýynda turǵan Birjan sal, Aqan seri, Úki­li Ybyraı atynda birde-bir án baıqaýy joq. Aldaǵy ýa­qyt­ta Kókshe jerinde osyndaı respýblıkalyq baıqaýlar uıym­dastyrylyp tursa, quba-qup bolar edi desti óner janashyrlary. Halyq muralaryn zertteýshi Musataı Ǵalym «On saýsaq» áni Úkili Ybyraıdyń áni ekendigin naqty dálelderge súıene otyryp, óz pikirin ortaǵa saldy. Qazaq­tyń án ónerin asqaqtatyp júrgen ánshi Erkin Shúkiman bolsa, jalpy bul sala áli de bol­­sa tııanaqty zertteýdi talap ete­tindigin basa aıtty.

Baspasóz máslıhatynan soń, ile sáni men saltanaty jarasqan konsert bastaldy. Konserttiń shymyldyǵyn Qazaqstan Respýb­lıkasynyń eńbek sińirgen ártisi Ǵazıza Jumekenova «Kókshetaý kesteleri» ánimen ashty. Birjan saldyń «Syrǵaqty» ánin Qazaq­stan Respýblıkasynyń eńbek sińirgen qaıratkeri Erkin Shú­kiman áserli oryndap, ónersúıer qaýymnyń kóńilin bir serpiltip tastady. Sonymen qatar Birjan saldyń «Býryl taı» ánin res­pýblıkalyq baıqaýlardyń laýreaty Amangeldi Kúzeýbaı na­qyshyna keltire oryndap, júrek qylyn shertip, kóńildi tolqytyp, júrekti tebirentti. Sondaı-aq bul keshte dástúrli ánniń ajaryn ashyp, mereıin asyryp júrgen asqaq ánshi Qajybaı Jahın Bir­jan saldyń «Aıboz» jáne Úkili Ybyraıdyń «Qaldyrǵan» ánderin júrekke jetkizip, qulaq­tyń qu­ryshyn qandyryp oryndady.    

Gala konsertte respýblı­ka­lyq baıqaýlardyń laýreat­tary Sársenbaı Hasenov, Baýyr­jan Nur­muhan, Tólegen Amanov, Shyń­ǵys Sársenbaı án shyrqap, kesh ajaryn asha tústi. Osy oraı­da, festıvaldi uıym­das­tyrý jumystaryna atsalysyp, qa­zaqtyń án ónerin nasıhat­tap júrgen Sársenbaı Hase­nov­tiń eńbegi zor ekendigin basa aıt­qandyǵymyz jón bolar.

Bul kún kógildir Kóksheniń kóginde Arqa ánderi asqaqtaǵan aqjarma kún boldy.

 

Kókshetaý

 

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar