Qazaqstan • 07 Qazan, 2019

Elimizde baspana qurylysy jyl saıyn 10 paıyzǵa artady

58 ret kórsetildi

Jańa turǵyn úıdi iske qosý kólemin jyl saıyn 8-10 paıyzǵa arttyrý josparlanǵan. Bul týraly QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«2030 jylǵa qaraı bir turǵyndy 30 sharshy metrge deıin baspanamen qamtamasyz etý aıasynda jańa turǵyn úıdi iske qosý kólemin jyl saıyn 8-10 paıyzǵa arttyrý kútilip otyr», - dedi mınıstr Parlament Májilisinde «Nurly jer» baǵdarlamasynyń júzege asyrylýyna arnalǵan Úkimet saǵatynda.

Belgili bolǵandaı, 2018 jyly halyqtyń turǵyn úımen qamtamasyz etilýi 1 turǵynǵa shaqqanda 21,8 sharshy metr boldy.

«Alaıda, turǵyn úı qorynyń kólemi artqanyna qaramastan, qazaqstandyqtar úshin turǵyn úıdiń koljetimdiligi áli de bolsa ózekti bolyp otyr. Eń aldymen bul halyqtyń áleýmettik jaǵynan osal toptary úshin de ózekti másele. Aǵymdaǵy jyly 13,5 mln sharshy metr jańa turǵyn úı nemese 118 myń turǵynjaı salynady. Memlekettik ınvestısııa esebinen 1,7 mln sharshy metr paıdalanýǵa beriledi, bul 30 myńnan astam muqtaj azamatty óz turǵyn úımen qamtamasyz etetin bolady», - dedi B. Atamqulov.

Onyń aıtýynsha, bıyldyń basynan bastap (qańtar-tamyz) qarjylandyrýdyń barlyq kózderi esebinen 7,6 mln sharshy metr turǵyn úı paıdalanýǵa berildi.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar