Atyraý oblysynyń qurmetti azamaty, soǵys jáne eńbek ardageri Ońaıbaı Kóshekuly – týǵan jeriniń aldyndaǵy perzenttik paryzyn abyroımen atqarǵan, bedel bıiginen túspegen tulǵa retinde belgili.
-Ońaıbaı Kóshekuly 15 jyldan astam ýaqyt oblys basqardy. Basqa da jaýapty qyzmetterdi atqardy. Tabandylyǵy, tájirıbesi men eńbekqorlyǵynyń arqasynda kóptegen jumystar júzege asty. Sondyqtan da jerlesteriniń rızashylyǵy men yqylasyna bólendi. Búgingi jas urpaq osyndaı tulǵalardyń ónegeli ómirlerinen taǵylym alyp ósýleri kerek,-dedi kolledjdegi saltanatty sharaǵa qatysqan oblys ákimi Nurlan Noǵaev.
О́ńirge jumys saparymen kelgen QR Kəsipodaqtar Federasııasynyń tóraǵasy Eraly Toǵjanov ta osy sharaǵa qatysyp, Ońaıbaı Kóshekulynyń Mańǵystaý oblysyn basqarǵan tusta atqarǵan izgi isterin aıtty.
-Ol bilimdi, parasatty tulǵa edi,-dep eske aldy Atyraý oblysynyń Qurmetti azamaty Esen Tasqynbaev. –Oblysqa basshylyq jasaǵan jyldary ekonomıkanyń damýyna, aýyl sharýashylyǵy salasynyń órkendeýine úlken úles qosty. Teńiz ken ornynyń ashylýy, respýblıkalyq, halyqaralyq mańyzy bar avtokólik joldarynyń salynýy, jańa yqsham aýdandardyń boı kóterýi de sol jyldarǵa tuspa-tus keldi. Eli úshin janyn aıamaǵan, maıdanda da, beıbit ómirde de adaldyǵynan aınymaǵan azamattyń atyn ulyqtaý – saýapty is.
Kolledj ǵımaratynyń aldyna Ońaıbaı Kóshekovtiń músini qoıyldy. Sondaı-aq, memleket jáne qoǵam qaıratkerine arnalǵan mýzeı ashyldy. Agrarly-tehnıkalyq kolledjde qazir stýdentter 18 mamandyq boıynsha bilim alady. Al jaqyn bolashaqta bilim ordasyna arnalǵan jańa ǵımarat salynady degen jospar bar.
ATYRAÝ.
