Aımaqtar • 07 Qazan, 2019

Týǵan jerge tartý: Skeıt-park

14 retkórsetildi

Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy biraz ıgi isterge jol ashty. Sonyń taǵy bir dáleli – Atyraýda ashylǵan skeıt-park. Ekstremaldy sportqa qyzyǵatyn jastarǵa arnalǵan jańa nysan atalǵan baǵdarlamanyń «Týǵan jer» baǵyty boıynsha Atyraý qalasynyń kúnine arnalǵan syı boldy. Igi iske uıytqy bolǵan - «GazStroıMontaj» JShS basshysy Erlan Tabyldıev. Buǵan deıin de aımaqta buqaralyq sportty damytý sharalaryna belsendi qatysyp júrgen kásipker oblys ortalyǵyndaǵy «Retro saıabaqtan» osyndaı oryn ashýdy jón kóripti.

Qala kúni merekesinde paıdalanýǵa berilgen nysannyń ashylý saltanatynda shahar basshysy Alımuhammed Quttumuratuly: «Jańa skeıt park sportty damytýǵa súbeli úles qosady degen senimdemin. Jastardyń ýaqytyn tıimdi ótkizýge arnalǵan sporttyq nysandar qataryn tolyqtyryp, alańdar salýdy alǵa qaraı da jalǵastyra beremiz»,-dep atap ótti.

         Skeıt parktiń jalpy aýmaǵy – 1600 sharshy metr. Munda syrǵanap, krossfıtpen shuǵyldanýǵa, strıtbol alańynda aınalysýǵa bolady. Qoǵamdyq tamaqtaný, sporttyq quraldar satatyn oryndar da qarastyrylǵan.

         Oblys ortalyǵynda Jaıyq ózeniniń jaǵasynda ornalasqan Retro saıabaq búginde atyraýlyqtar men qala qonaqtarynyń demalatyn jaıly ornyna aınaldy. Ádemi gúlzarlarmen kómkerilgen saıabaqta amfıteatr, kafe, kórme zaly, mýzykalyq sýburqaq pen jasandy toǵan bar. Endi bul qatarǵa skeıt park te qosyldy.

ATYRAÝ.  

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar