Ábish Kekilbaev shyǵarmashylyǵynyń kórkemdik ereksheligin, baı sóz qoryn nasıhattaý arqyly oqýshylar men stýdentterdiń oı-tanymyn keńeıtý, olardyń boıynda ózindik kózqarastaryn qalyptastyrý maqsatyndaǵy baıqaýǵa aýdan, qala bilim berý uıymdary men kolledjderden barlyǵy 153 úmitker qatysty.
Aldymen aýdandyq-qalalyq, kolledjishilik, sosyn oblystyq kezeńdegi baıqaý Ábish shyǵarmalary keıipkerlerinen monolog oqý talap etilgen «Úzdik oqyrman», bilim alýshy dápteriniń tórt betine Ábish shyǵarmalaryndaǵy bir keıipkerge hat jazady, keıipkerdiń ómirindegi áreketterdi osy zamanmen baılanystyra otyryp, jeti saýal qoıylady jáne oǵan sol keıipker bolyp jaýap beriledi, hat kórkemdigi, tazalyǵy, mazmundylyǵy jáne tárbıelik qundylyǵyna baılanysty baǵalanatyn «Úzdik tilshi», sondaı-aq oqýshy mektebindegi «Ábishtaný» kabınetiniń ashylý maqsatyn, ondaǵy bólimderdi, qundy jádigerlerdi tanystyryp, kabınette ótken sharalar men kezdesýlerdi, baıqaýlardy aıta kele, Ábish shyǵarmalaryn mektep oqýshylaryna jarnamalaý mindettelgen «Úzdik gıd» nomınasııasy, Ábish shyǵarmalarynan «Tabıǵat», «Handyq bılik», «Sheshim», «Aýyl kórinisi» taqyryptaryna 4 sýret salyp tapsyrý talap etilgen «Jas qylqalam sheberi» nomınasııasy, Ábish dramasynan jáne aýdarmalarynan úzindige daıyndalyp, oqýshynyń obrazǵa túsýi, daýys máneriniń ózgerisi, sóıleý sheberligi men obrazǵa sáıkes kıine bilýi baǵalanatyn «Jas kórkemsóz sheberi» nomınasııasy, Ábishtiń «Kóldeneń kók atty», «Báseke», «Qus qanaty» povesteriniń bireýinen zerdeleý jobasy usynylyp, jobada jazýshynyń ózine tán baıandaý stılin, sóz oralymdaryn, tuspaldaýy men boljaýyn jáne oqıǵa sheshiminiń oryndylyǵyn dáleldeý, dıalekt sózderdiń qoldanysy, maqal-mátel men danalyq sózderdiń maǵynasyn ashý talap etilgen «Jas ǵalym» nomınasııasy, sonymen qatar ózindik ereje, talaptary kórsetilgen «Úzdik ssenarıı qurýshy» nomınasııasy, «Eń úzdik anımator» nomınasııasy, «Jas aqyn» nomınasııasy jáne «Jas akter» nomınasııasy syndy on baǵyt boıynsha ótti.
Oblystyq «Abyz aǵa – Ábish» konkýrsynyń jeńimpazy atanǵan jalpy bilim beretin uıymdardyń 8-11 synyp oqýshysy men kolledj stýdenti Mańǵystaý oblysy ákiminiń birjolǵy 100 000 teńgelik shákirtaqysyna ıe bolady.
Qazan aıynyń 4-de Aqtaý qalasyndaǵy Bilim-ınnovasııa lıseıinde ótken baıqaýǵa 30-ǵa tarta óńirge belgili óner adamdary men ǵalymdar qazylyq etti.
Jeńimpazdardy marapattaý 11 qazan kúni Mańǵystaý aýdanynyń Ondy aýylynda ótedi.
Mańǵystaý oblysy
