«Jarysty uıymdastyrýǵa oblys ákimi Arhımed Muhambetovtyń ózi bastamashy boldy. Bul velojarys bizdiń alǵashqy aýqymdy is sharamyz. Osy ýaqytqa deıin shaǵyn jarystar ótkizgen bolatynbyz. Jarysqa 120-ǵa jýyq adam qatysady dep josparlaǵan edik, 250-den astam adam tilek bildirip, aýqymdy sharaǵa ulasty» deıdi Qostanaı veloqaýymdastyǵy tóraǵasynyń orynbasary Qanat Saǵymbaev.
Dástúr boıynsha jarys oblys ákimdiginiń aldyndaǵy alańnan bactalyp, Táýelsizdiktiń 25 jyldyǵy saıabaǵynyń jaǵalaýyndaǵy máresine jetti. Jınalǵan kórermenderdiń qoshemeti jarysqa qatysýshylarǵa jiger berdi.
Sondaı-aq, jarysqa qatysýshylar ustazdar kúnine oraı Ybyraı Altynsarın kesenesine gúl shoqtaryn qoıdy.
Qostanaı
Sýretterdi túsirgen Baǵdat Ahmetbekov.
