Aımaqtar • 07 Qazan, 2019

Pertzenthanadan shyqqan shý

324 retkórsetildi

Atyraýǵa Qazaqstan Respýblıkasynyń Densaýlyq saqtaý Vıse-Mınıstri bastaǵan komıssııa keldi

О́tken aptada Atyraý oblystyq perınataldyq ortalyǵynyń basshysy qamaýǵa alyndy. Alǵashynda laýazymdyq ókilettiligin asyra paıdalandy jáne sybaılas jemqorlyqqa jol berdi degen kúdikke ilingen bas dárigerge qatysty keıin taǵy bir derek shyqty. 29 qyrkúıekte dúnıege kelgen náreste tirshilik belgisin bildirmegendikten, dárigerler «balanyń óli týǵany» týraly anyqtama jazyp, denesin tońazytqyshqa jibergen. Al biraz ýaqyttan soń sábıdiń tiri ekeni anyqtalady, biraq aq halattylar ony tońazytqyshtan shyǵarmaǵan. Sebep, álde syltaý: «Bazaǵa engizilgen málimetti durystaý múmkin emes». Arnaıy jedel izdestirý sharasynda anyqtalǵan bul jaıt týraly sybaılas jemqorlyqqa qarsy is-qımyl agenttigi tóraǵasynyń orynbasary Shyńǵys Qabdola málimdedi. Máselege pikir bildirgen Qazaqstan Respýblıkasynyń Densaýlyq saqtaý mınıstri Atyraý oblystyq densaýlyq saqtaý basqarmasynyń basshysyn jumystan shyǵarýdy usyndy. Alaıda mınıstrlik pen ákimdik tarapynan atalǵan basqarmanyń qyzmetine saraptama júrgizilip, nátıjesinde Mánshúk Aımurzıeva laýazymynda qalatyny týraly sheshim shyǵaryldy. Al 7 qazan kúni oblystyq perınataldyq ortalyqtyń 31 qyzmetkeri jumystan bosatýǵa ótinish jazdy. Oblys ákiminiń baspasóz hatshysy Serikjan Ermentaevtyń aıtýynsha, qazir dárigerler qyzmet oryndarynda, olarmen densaýlyq saqtaý basqarmasynyń, Mınıstrliktiń jáne kásipodaq uıymdarynyń ókilderi jumys júrgizip jatyr. Aımaqqa  Densaýlyqty saqtaý Vıse-Mınıstri Lázzat Aqtaeva bastaǵan Respýblıkalyq mekemelerdiń jetekshi mamandary keldi. Mınıstrdiń orynbasary oblystyq, qalalyq perınataldyq ortalyqtardyń qyzmetimen tanysyp, dárigerlermen sóılesti jáne birqatar naqty tapsyrmalar berdi.

Árıne, qıyn jaǵdaı qalyptassa da, munaıly óńirdegi medısına salasynyń ahýaly tym múshkil deýge de bolmaıdy. Jyl basynan beri qalalyq perzenthanany ekinshi deńgeıden úshinshi deńgeıge aýystyrý sharalary qolǵa alyndy. «Bosandyrýdy uıymdastyrýǵa baǵyttalǵan josparly shara aıasynda oblystyq perınataldyq ortalyqtan anestezıolog-reanımatolog aýystyryldy, eki neonatolog keldi, bári de tájirıbeli, eńbek ótilderi bar mamandar. Atalǵan aýrýhanaǵa Aqtóbe oblysynan taǵy eki maman-neonatolog keledi. Qalalyq perınataldyq ortalyq 100% jabdyqtalǵan, - deıdi Mánshúk Aımurzıeva. –Mekeme aýyr dertteri bar júkti áıelderge bosandyrý boıynsha sapaly medısınalyq qyzmet kórsetýge daıyn».

Basqarma basshysy oblystyq perınataldyq ortalyqtyń da jumysy kúsheıtiletinin aıtady. Jumystan ketken dárigerlerdiń ornyna Atyraýdan, elimizdiń basqa da aımaqtarynan mamandar shaqyrylady. Qazir óńirde bala ólimin azaıtý boıynsha josparlanǵan sharalardyń oryndalýyn baqylaıtyn monıtorıng toby jumys istep jatyr. «Atyraý oblysynda bala óliminiń kóbeıýi tamyz aıynda baıqaldy. Jyl saıyn elimizde 2,5 myń bala ólimi tirkeledi»,-dedi mınıstr Eljan Birtanov Úkimet otyrysynda.

Statıstıkaǵa súıensek, respýblıka boıynsha Atyraý oblysyndaǵy bala óliminiń kórsetkishi ortasha deńgeıde. Sonyń ózinde sońǵy eki aıda 40 náreste shetinedi. Bul 40 úıdiń ǵana qaıǵysy emes...

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar