Aımaqtar • 07 Qazan, 2019

Mańǵystaýda kásipkerler palatasynda mańyzdy máseleler talqylandy

101 retkórsetildi

Mańǵystaý oblysy kásipkerler palatasynda oblys ákimi Serikbaı Trumov bıznes ókilderimen kezdesti. Bul týraly kásipkerler palatasynyń baspasóz qyzmetinen habarlady. О́ńirlik keńes múshelerimen basqosýda kásipkerlerge qolbaılaý bolyp otyrǵan ózekti máseleler talqylanyp, olardy sheshý joldary aıtyldy.

О́ńirlik kásipkerler palatasynyń dırektory Nurbek Qarasaev eldi mekenderde skrınıng júrgizý aýdan ákimderiniń qatysýymen belsendi júrip jatqanyn baıandady. Sonan soń kásipkerlerge jer, ondaǵy kommýnıkasııa jaıy kórsetilgen aqparatty jarııa túrde alýda qıyndyqtar týyndaǵanyn jetkizdi. Munan bólek kásipkerlerge qyzmet kórsetý ortalyǵyn jergilikti bıýdjet esebinen qarjylandyrý jolyn usyndy. Mamandyqqa daıarlaý salasynda kásipkerler palatasy senimgerlikpen basqarýǵa daıyn ekenin atap ótti.

-Oblystaǵy 16 kolledjdiń 7-eýi senimgerlikpen basqarýǵa bolatyndyǵy jóninde bilim basqarmasymen birlesip taldaý júrgizdik. Bul memleket shyǵynyn únemdeýge kóp kómegin tıgizedi, - dedi ol.

Atameken

-Kásipkerlerge qyzmet kórsetý ortalyǵyn qarjylandyrý jaǵyn qarastyramyz. Kásipkerler máselesin birlesip sheshýge daıynbyz. Kolledjderde mamandyq daıyndaýǵa keler bolsaq, jumyssyzdyqty azaıtý jaǵynan septigin tıgizse, suranysqa ıe mamandardy qaıta daıarlaýǵa serpin berse budan utpasaq, utylmaımyz. Sondyqtan da usynystaryńyzdy qoldaımyz, - dedi oblys basshysy.

Sonan soń oblysqa belgili kásipkerler sóz alyp, sheshimin tappaǵan jaıttardy ortaǵa saldy. MO Kásipkerler palatasy janyndaǵy Isker áıelder keńesiniń tóraıymy Sáýle Salıhova salt-dástúrdiń qaımaǵy buzylmaǵan Mańǵystaýda qolónershiler ortalyǵyn ashý týraly usynys aıtty. Sonda mańǵystaýlyq baı naqyshpen jasalatyn qolóner buıymdary bir ortalyqta jasalyp, ónimder saýdaǵa da shyǵarylmaq. «

-Oblysta kıiz úı jabdyǵyn tigetin aldyńǵy býynnan 4 qana sheber qaldy. Olardyń jasy 60-tan asyp barady. Solardyń biletin mol murasyn, kıiz basý, basqur, shı toqý t.b.buımdardy jasaýdy jastarǵa úıretetin sheberlik mektebi ashylsa. Sonda sheberlerdiń árqaısysy myńdaǵan shákirt tárbıelep, Mańǵystaý murasyn urpaqtan urpaqqa jetkizetin izbasarlar tolqyny úzilmes edi, dedi ol.

Kezdesý barysynda kásipkerler jer, qurylys, týrızm salasyn damytý, áıelder kásipkerligin jetildirý, jergilikti ónimdi tutyný syndy mańyzdy máselelerdi qozǵady. Oblys basshysy qashan da óńir damýy úshin tıimdi jobalardy qoldaýǵa daıyn ekenin aıtty.

Bul qoldaý oblysta qyzmet etetin 114 myńnan astam adam orta jáne shaǵyn bıznes salasy ókilderine úlken serpin beredi. О́ńirdegi bıznes nysandary 53 myńǵa jetip qaldy. Bul kásipkerler qatarynyń ótken jylmen salystyrǵanda 9,5%  artqanyn kórsetedi.

Mańǵystaý oblysy

                          

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar