Qazaqstan • 07 Qazan, 2019

2020 jyly Nur-Sultanda túrki álemi elderiniń jastary arasynda aqyndar músháırasy ótedi

146 retkórsetildi

Búgin el astanasyndaǵy «Oqýshylar saraıynda» jas aqyndarǵa arnalǵan «Biz jastarǵa senemiz» atty músháıranyń marapattaý rásimi ótti. Kelesi jyly bul báıge Ál-Farabıdiń 1150 jyldyǵy men uly aqyn Abaıdyń 175 jyldyq mereıtoıyna oraılastyrylyp, Túrki álemi elderiniń jastary arasynda ótetin bolady. Bul týraly Nur-Sultan qalasy ákimdiginiń baspasóz qyzmeti habarlady.


Bul joba Nur-Sultan qalasynyń Qoǵamdyq damý isteri basqarmasynyń qoldaýymen osymen úshinshi jyl qatarynan ótkizilip jatyr. Oǵan elimizdiń túkpir-túkpirinen júzden astam daryndy jastar qatysyp keledi. Saltanatty is-sharaǵa Memleket syılyǵynyń ıegeri, Jazýshylar odaǵy basqarmasynyń hatshysy, aqyn Nesipbek Aıtuly, Parlament Májilisiniń depýtattary, mádenıet qaıratkerleri jáne óner juldyzdary qatysty.

«Búgingi músháıra Elbasy jarııalaǵan Jastar jyly men «Rýhanı jańǵyrý» baǵdarlamasy aıasynda ótip otyr. Elimizdiń ár óńirinen túrli týyndylar kelip tústi. Ádilqazylar alqasy mundaı synda úzdik shyqqan daryndardy tańdap otyr. Jastardyń aldyna erkin taqyryp qoıyldy. Ár aqyn óziniń oıynda, júreginde júrgen shyǵarmalaryn usyndy. Mundaı is-sharanyń basty maqsaty – jastardy qoldaý, olardyń boıyndaǵy elge, Otanǵa degen patrıottyq sezimin, súıispenshiligin arttyrý. Osy joba qolǵa alynǵan úsh jyldyń ishinde myńnan asa jas aqyn óz týyndylaryn shyǵaryp otyr», – deıdi Nur-Sultan qalasynyń Qoǵamdyq damý isteri basqarmasynyń basshysy Talǵat Rahmanberdi.

Nur-Sultan qalasynyń Qoǵamdyq damý isteri basqarmasynyń basshysy atalǵan baıqaý kelesi jyly tek respýblıkalyq deńgeıde emes, halyqaralyq deńgeıde ótetinin habarlady. Atap aıtqanda, baıqaýǵa túrki memleketteriniń jas aqyndary qatysatyn bolady. Sonymen «Biz jastarǵa senemiz» báıgesiniń qorytyndysy boıynsha Almaty óńiriniń jas daryny Nurbol Muratbek I oryn alsa, II oryn Ernar Maqsutov pen Sánııa Júrsinovaǵa buıyrdy. Uıymdastyrýshylar olarǵa aqshalaı sertıfıkat tabys etti. Úzdik úshtikti Amangeldi Aqjigit, Dýlatbek Kenjebek jáne Nurdáýlet О́mirbek túıindedi. Uıymdastyrýshylar tarapy «Úzdik aqyn» nomınasııasyn taǵaıyndap, daryn ıelerin marapattady. Mundaı syılyqqa Orazaı Jeńisuly, Aızada Raqymjanova, Jamal Júrsinbek jáne Jaýynbaı Jylqybaıuly ıe boldy. «Músháıraǵa respýblıkamyzdyń óńirlerinen 140-qa tarta aqyn qatysty. Onyń ishinde 10 aqynǵa júlde berildi, al bas-aıaǵy 30 aqyn úzdik atanyp, jeke kitabyn shyǵardyq. Taqyryp retinde Maǵjan Jumabaıulynyń «Men jastarǵa senemin» sózin alyp, búginginiń turǵysynan «Biz jastarǵa senemiz» degen at qoıyp, aıdar taqtyq. «Rýhanı jańǵyrý» baǵdarlamasy aıasynda ótip  jatqan bul jarystyń máni óte zor. Biz jańa jas talanttardy ashýmen qatar elimizdiń búgingi tańdaǵy júrgizip otyrǵan saıasatyn, halqymyzdyń bolashaǵyn jyrlaýdy jastardyń aldyna taqyryp etip qoıdyq. Olardyń týyndylarynan jańa bir lep, jańa zaman tynysy, bolashaqqa degen senim baıqaldy. Júlde alǵan jastardyń bári 16-29 jas aralyǵynda», – deıdi aqyndar jarysyna qazylyq etken toptyń jetekshisi Nesipbek Aıtuly.


Sońǵy jańalyqtar

Basylym basshylary - Saýytbek ABDRAHMANOV (1951)

Basylym basshylary • Búgin, 12:42

Elimizde et qymbattady

Qazaqstan • Búgin, 12:28

Basylym basshylary - Erjuman SMAIYL (1948-2018)

Basylym basshylary • Búgin, 11:22

Baıaǵy jartas – bir jartas

Aımaqtar • Búgin, 10:56

Sońǵy kúnderdiń borany surapyl

Aımaqtar • Búgin, 10:15

Hımııalyq zattar qalaı retteledi?

Ekologııa • Búgin, 06:59

Áleýmettik nysandardy aralady

Úkimet • Búgin, 06:54

О́tinish-tilekter eskeriledi

Aımaqtar • Búgin, 06:51

Amanatqa qııanat júrmeıdi

Tanym • Búgin, 06:49

Qaraýsyz malǵa ury qas

Qoǵam • Búgin, 06:46

Tabysty jylystatýdyń joldary

Ekonomıka • Búgin, 06:40

Shańyraq nege shaıqalady?

Qoǵam • Búgin, 06:35

Júıeli jumys jalǵasady

Saıasat • Búgin, 06:33

Megapolıstegi mańyzdy jobalar

Aımaqtar • Búgin, 06:30

О́tkenge esep, erteńge baǵdar

Aımaqtar • Búgin, 06:28

О́ndiristi óńirde oń ózgerister bar

Aımaqtar • Búgin, 06:27

Atqarylǵan ister aýqymdy

Aımaqtar • Búgin, 06:24

Saqtyqqa salǵyrt emes

Qoǵam • Búgin, 06:20

Balalarǵa kúrdeli operasııa jasaldy

Medısına • Búgin, 06:18

«Sýpermen» Tikenektide turady

Qoǵam • Búgin, 06:15

Modernızmniń negizin qalaǵan

О́ner • Búgin, 06:10

Basty aqparat (19.02.2020)

Vıdeo • Keshe

Uqsas jańalyqtar