Rýhanııat • 08 Qazan, 2019

Eki el qarym-qatynasy jańa satyǵa kóteriledi

9 ret kórsetildi

Nur-Sultan qalasyndaǵy Dostyq úıinde Qazaqstan halqy Assambleıasy Tóraǵasynyń orynbasary – Hatshylyq meńgerýshisi J.Túımebaev Bolgarııa Vıse-prezıdenti I.Iotovamen kezdesti.

Qos taraptyń kezdesýine etnomádenı ortalyqtardyń ókilderi de qatysty. Bolgarııa Respýblıkasynyń delegasııasyn bastap kelgen Ilııana Iotova resmı basqosý aldynda Dostyq úıin aralap, qazaqtyń ulttyq dástúriniń kóne jádigerlerin tamashalady jáne bir shańyraq astynda tútin tútetken etnos­tar­dyń tól mádenıeti men týǵan til­derin saqtaýǵa, damytýǵa berilgen múmkindiktiń keńdigine tańǵaldy.

Qazaqstan halqy Assam­bleıasy Tóraǵasynyń orynbasary J.Túımebaev óz sózinde Qazaq­standa 4523 bolgar tura­tynyn, olardyń alǵashqy qonys aýdarýy Ýkraına men Bes­sa­rabııadan XX ǵasyr basyndaǵy Stolypın reformasynan keıin bastalǵanyn atap ótti. Sondaı-aq Nur-Sultan qalasynda, Pavlodar, Atyraý, Aqtóbe jáne Qaraǵandy oblystarynda bolgar tilin, mádenıeti men ulttyq dástúrlerin saqtaý maqsatynda Bolgar mádenı or­talyqtary ashylǵanyn jetkizdi.

Qazaqstan men Bolgarııa múddeles jáne odaqtas memleketter ekenin aıta kele,  Qazaqstan Prezıdenti Qasym-Jomart To­qaevtyń Bolgarııadaǵy Qazaq­stan dıplomatııalyq mıssııa­syn elshilik retinde qaıta qurý týraly sheshimi eki el qarym-qatynasyn jańa satyǵa kóte­retinine toqtaldy. Sonyń ishinde bilim, sport, mádenıet salasynyń qarqyndy damıtynyna senim bildirdi.

Qazirgi tańda bolgar tara­pynyń qatysýymen elimizde 80-ge jýyq kompanııa tirkelgen. Bol­garııada 35-ke jýyq qazaqstan­dyq kompanııa jumys isteıdi. QHA quramynda 4 bolgar etno­mádenı birlestigi bar. Bar­lyq ortalyqtar Qazaqstan hal­qy Assambleıasy ótkizetin má­denı is-sharalarǵa turaqty qatysady.

Bolgarııa Vıse-prezıdenti I.Iotova óz kezeginde Qazaq­stan­da bolgarlardyń tilin, dástúrin saq­taýyna barlyq qolaıly jaǵ­daı jasalǵandyǵyna rızashy­lyǵyn bildirip, qazaqstandyq bol­gar jastaryn tarıhı otan­da­r­ynda tegin bilim alýǵa sha­qyr­dy.

Sondaı-aq «Dossyz ómir – tuz­syz as» degen qazaqtyń kóne ma­qalyn esine alǵan Ilııana Iotova álemniń keıbir elderin­de saıası jaǵdaı ýshyǵyp turǵan bú­gingi kezeńde jastardy tole­ranttylyq pen beıbitsúıgishtilik qasıette tárbıeleý mańyzdy ekendigine toqtaldy.

Kezdesý sońynda Jan­seıit Qanseıituly bolgar dele­ga­sııasynyń basshysyna el­degi birliktiń sımvoly Shańy­raq músinin syıǵa tartty. Bol­garlyqtar da qurqol kelmepti, olar dostyqtyń uıytqysy bol­ǵan Assambleıaǵa ejelgi bolgar álipbıiniń quımasyn tartý etti.

 

«Egemen-aqparat»

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar