Qazaqstan • 08 Qazan, 2019

«Saryarqa» gaz qubyry keshikpeı keledi

46 retkórsetildi

Memleket basshysy Qasym-Jomart Toqaevtyń saı­laýaldy baǵdarlamasynda alǵa qoıylǵan mindetterdiń biri halyqty kógildir otynmen qamtý máselesine arnalǵan bolatyn. Prezıdent Joldaýda da elimizdiń bas qalasyna, soltústik jáne ortalyq óńirlerge gaz tartý jumysyna erekshe toqtalǵan. 

Adamdardyń ómir turmy­syn jaqsartýdyń jáne jeńil­detýdiń bir joly – taza aýyz­sýǵa, tabıǵı gazǵa, kólik ın­f­ra­qurylymyna qoljetim­dilik deńgeıin arttyrý bolyp tabylady. О́kinishke qaraı, Qazaqstandaǵy qazirgi jaǵ­daı birdeı emes ekeni málim. Osy oraıda Prezıdent ózi­niń Joldaýynda: «Elimizdiń ár aımaǵynyń turǵyndary­­nyń taza aýyz sýǵa, tabıǵı gaz­ǵa, kólik ınf­ra­­qurylymyna qol jet­kizý deńgeıi birkelki emes ekeni belgili. Osy teń­siz­dikti joıý úshin jumysty jandandyrý qajet. Elbasy­nyń tapsyrmasy boıynsha «Saryarqa» gaz qubyrynyń magıstraldy jeli­siniń birin­shi kezektegi qury­lysy aıaq­talyp keledi. Kele­­si jyly Nur-Sultan qala­­syn­da jáne Qaraǵandy, sodan soń Aqmola men Soltús­tik Qazaqstan oblystarynda taratý jelilerin salý jumystary bastalady. Nátıjesinde 2,7 mıllıonnan astam adam tabıǵı gazben qamtamasyz etiletin bolady», degen edi.

Úkimettiń esebine júginsek, «Saryarqa» magıstraldy kógildir otyn qubyrynyń myń shaqyrymnan asatyn al­ǵash­qy kezeńi márege jetýge jaqyn qaldy. Alǵashqy kezeń aıaqtalǵannan keıin Nur-Sultan, Qaraǵandy, Temir­­taý, Jezqazǵan, Saran, Shah­tınsk qalalarynyń jáne osy shaharlarǵa jaqyn orna­la­s­qan, qubyr jolynyń boıyn­da qonys tepken eldi mekenderdiń bári tabıǵı gazdyń qyzyǵyn kórýge tıis. Odan ári «Saryar­qa» jobasy «Astana – Kókshe­taý», «Kókshetaý – Petropavl» baǵy­tymen jalǵasady. Jo­ba­nyń jyldyq qýaty 2,2 mlrd tek­she metr gaz ótkizýge  jete­­di. Ulan-ǵaıyr dalany kók­­tep ótetin qubyr jolyn salý úshin «AstanaGaz» QMG» kom­panııasy quryldy, bul kom­panııanyń aksıoneri «Sa­muryq – Qazyna» men «Báıterek» holdıngi eke­nin aıta keteıik.

Energetıka mınıstrligi habar­laǵandaı, byltyr tamyz aıynyń sońynda Eko­nomıkany jańǵyrtý jó­nin­degi memlekettik komıs­sııa­synyń sheshimimen alyp qurylys jobasyn qarjylan­dyrý kes­tesi men talaptary bekitil­di. Sony­men 80,3 mlrd teńge joǵa­ry­da aıtqan eki aksıoner kompanııaǵa 40,15 mlrd teń­geden teńdeı bólinip beril­di. Taǵy 102 mlrd teńgeni Qazaq­stannyń damý banki men Eýra­zııalyq damý banki, 85 mıl­lıard teńgeni «BJZQ» AQ ın­vestısııalaıtyn bolyp ke­lisildi. Qoryta kelgen­de alyp jobanyń jalpy quny 263,3 mlrd teńgeni qura­dy. Onyń bas merdigeri – «QazStroıServıs» kompanııa­sy. Byltyr qarasha aıynda «AstanaGaz QMG» men «QazStroıServıs» arasynda qurylys týraly kelisimshart jasaldy.

Energetıka mınıstrliginiń habar­laýynsha, qazirgi tańda qurylys jumystary qarqyn­dy júrip jatyr.

– 1061,3 shaqyrymdyq qu­byr jolyn salýǵa qajet­ti qu­byr ónimderi túgel jetki­zil­di, onyń 1050 shaqyrymy, ıaǵ­nı 98,9 paıyzy jalǵandy. Táý­­lik saıyn orta eseppen 5,6 sh­a­qyrymdyq qubyr dáne­ker­­lenip jatyr, – dep habarlady mı­nıstrliktiń baspasóz qyzmeti.

Avtomattandyrylǵan gaz­­­ret­tegish stansa salýǵa ke­­rek­ti qurylǵylardyń 80 pa­­­ıyzy tıisti jerine jet­ki­zi­lipti. Stansalardaǵy mon­taj ju­mystarynyń 63 pa­ıy­zy aıaqtalǵan. Qurylys ju­mys­tary bekitilgen kes­tege saı júrip jatyr deýge bolady.

– Jalpy alǵanda bıyl jel­­toqsan aıynda bar­lyq ny­san­dar salynyp bitedi. Atap aıtqanda, magıs­traldy gaz qubyry, 5 avtomat­tan­dyrylǵan gazrettegish stan­sa, gaz ólsheý jáne basqarý stan­sasy daıyn bolady. Iаǵnı, qubyr joly Nur-Sultan qala­syna josparlanǵan merzimde – jeltoqsan aıynda jetedi, – dep habarlady Energetıka mınıstrligi.

«Saryarqa» jobasynyń halyqty kógildir otynmen qamtyp, áleýmettik ahýalyn jaq­sartýdan basqa da ıgi yq­paly mol deýge bolady. Eldiń birneshe óńirinde ın­f­ra­qurylymnyń damyǵany shaǵyn jáne orta bıznestiń damýyna, sol arqyly ekono­mı­kanyń kóterilýine yqpal etetini anyq.

Oǵan qosa, ómir baqı kómir jaǵýdan kózi ashylmaǵan óńir­lerdiń tabıǵı gazǵa kósh­keni aýaǵa taraıtyn zııan­dy qal­­­­dyqtardy da azaı­typ, eko­­­­logııalyq ahýal jaqsa­ra túspek. Mıllıon­daǵan adam qonys tepken qala­lar men ózge de eldi me­ken­der­de eko­lo­gııalyq ahýal­dyń túzel­geni halyqtyń densaý­lyǵyn jaq­sar­týǵa septeseri sózsiz.

 

Sońǵy jańalyqtar

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar