Qazaqstan • 08 Qazan, 2019

Saltanatty túrde ant qabyldady

82 ret kórsetildi

Nur-Sultan, Almaty, Shymkent jáne Qaraǵandy qalalarynyń barlyq «Jas ulan» respýblıkalyq áskerı mektepterinde tárbıelenýshiler ulan antyn qabyldady. Saltanatty is-sharaǵa Qarýly Kúshterdiń ardagerleri, tárbıelenýshilerdiń ata-analary qatysty.

Elordada ornalasqan armııa generaly S.Q.Nurmaǵambetov atyndaǵy «Jas ulan» respýblıkalyq mektebine qabyl­dan­­ǵan 237 tárbıelenýshi saltanatty túr­de ant qabyldady. Dástúr boıynsha ulan­dar Keńes Odaǵynyń Batyry, Halyq qa­har­ma­ny, armııa generaly Saǵadat Nur­ma­ǵam­be­tovtiń eskertkishine gúl shoq­taryn qoıdy.

Is-shara ulandardy alańǵa turǵyzýdan jáne mektep týyn kirgizýden bastaldy. Áskerı mektep tárbıelenýshileriniń mańyzdy oqıǵasymen Qorǵanys mı­nıstri­niń orynbasary, general-maıor Tımýr Dándibaev quttyqtady.

«Sizder árqashan tek kásipqoı áskerı qyzmetshiler ǵana zamanaýı Ar­mııa­nyń negizin quraıtyndyǵyn este saq­taý­laryńyz qajet. Jas bolǵandary­ńyzǵa qara­mastan, sizder durys joldy tań­da­dyńyzdar. Adamnyń eseıýi qoǵamda óz ornyn tabýmen, bastysy bolashaq ma­man­dyq­ty tańdaýǵa tikeleı baılanys­ty. Bul úderisten qalaı ótetinderińiz sizder­diń al­daǵy taǵdyrlaryńyzdy aıqyndaıdy» dep atap ótti.

Ant qabyldaý

Budan keıin ulandar ant berdi. Ant­ máti­ninde «Men áskerı mektep­ tár­­bıe­­­lenýshisiniń ary men abyroıyn ar­daqtaýǵa, múltiksiz tártip pen ás­ke­rı ki­shipeıildik erejelerin saq­taý­ǵa, bar yntammen Otanymyz – Qa­zaq­stan Res­pýblıkasyn qorǵaýǵa ózimdi daıyn­daý­ǵa ant etemin», dep jazylǵan.

Saltanatty is-sharanyń sońynda barabanshylar rotasynyń ulandary ba­rabandarymen defıle kórsetse, 4-shi oqý rotasynyń tárbıelenýshileri qoıan-qoltyq urys tásilderin, al 2-shi oqý ro­ta­synyń ulandary qarýmen óz qoıy­lym­daryn usyndy.

Budan keıin ata-analar men kelgen qonaqtar áskerı mekteptiń oqý-mate­rıal­dyq bazasymen, sondaı-aq turǵy­lyq­ty jaǵdaıymen tanysty.

Ant berý ýádesin Shymkent qalasy mektebiniń 200-den asa ulandary da qa­byldady. Tárbıelenýshiler áskerı mek­teptiń aty berilgen Keńes Odaǵynyń Batyry Sabyr Raqymovtyń eskertkishine gúl shoqtaryn qoıdy. Sondaı-aq bul kúni Keńes Odaǵynyń eki márte batyry T.Bıgel­dınov atyndaǵy Qaraǵandy «Jas ulan» respýblıkalyq mektebiniń 225 ulany ant qabyldady.

Bilim alýshylar standartty mektep sabaqtarymen qatar áskerı pán­derdi, onyń ishinde jalpyáskerı tak­­tıkany, baılanys negizderin, sap­tyq daıyndyqty, jalpyáskerı jar­ǵylardy jáne t.b. meńgeretindigin aı­typ ótken jón. Ulandar áskerı pán­derdiń synyptaryndaǵy ás­kerı teh­nı­ka men qarý-jaraqtyń úlgileri boıynsha zertteletin materıaldy is jú­zinde bekite alady.

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Uqsas jańalyqtar