Bul týraly hırýrgııalyq jumys jónindegi áskerı medısınalyq mekeme basshysy, medısınalyq qyzmet polkovnıgi Ǵalymjan Omarov málimdedi. Onyń aıtýynsha, qazir atalǵan naýqastar jaǵdaıy qanaǵattanarlyq kúıde. Olar áskerı gospıtaldiń beıindi bólimshesine jatqyzylǵan. Arystaǵy oqıǵadan keıin bul áskerı qyzmetshiler áskerı avıasııanyń medısınalyq mekemesine jedel túrde jetkizilgen bolatyn. Onda olarǵa ýaqtyly qajetti medısınalyq kómek kórsetilip, tez arada ońalýǵa jaǵdaı jasaldy.
Jalpy eske salar bolsaq, 21 qyrkúıekte arnaıy jabdyqtalǵan polıgon aýmaǵynda (Arys qalasynan 60 shaqyrym jerde) josparly jarý jumystary barysynda oq-dəri fragmentiniń ózdiginen jarylysy oryn alǵan bolatyn. Sonyń saldarynan kelisimshart boıynsha qyzmet isteıtin 10 saper-áskerı qyzmetshi jaraqattanǵan edi.
