Aımaqtar • 08 Qazan, 2019

О́mirzaq Shókeev Japonııa Elshisi Tasýhıko Kasaıdy qabyldady

17 ret kórsetildi

Bul týraly Túrkistan oblysy ákiminiń baspasóz qyzmeti habarlady.

Túrkistan oblysynyń ákimi О́mirzaq Shókeev Japonııanyń Qazaqstandaǵy Tótenshe jáne О́kiletti Elshisi Tasýhıko Kasaı myrzany jáne japondyq Kawasaki men Marubeni kompanııasynyń ókilderin qabyldady.

Kezdesýde taraptar ekijaqty qarym-qatynastardy damytý máselelerin talqylady. Aımaq basshysynyń aıtýynsha, Japonııa Qazaqstan Respýblıkasy úshin, jáne Túrkistan oblysyna mańyzdy strategııalyq seriktesterdiń biri. Kúnshyǵys elinen óńirge gerbısıdterdiń úlken kólemi ımporttalady.

«Túrkistan oblysy men Japonııa arasynda ózara tıimdi óndiristik, saýda-ekonomıkalyq jáne ınvestısııalyq yntymaqtastyqty arttyrý úshin úlken perspektıvalar bar ekenine senimdimin. Biz birlesken jobalardy iske asyrý úshin tolyq qoldaý kórsetýge daıynbyz», - dedi О́mirzaq Shókeev.

Sonymen qatar oblys ákimi Túrkistan óńiriniń týrızm jáne agrarlyq ónerkásip salasyndaǵy joǵary áleýetin atap ótti. Osylaısha, aldaǵy ýaqytta shet eldiktermen ortaq múddemiz ushtasqan jobalardy iske asyrýǵa qazaqstandyq jáne japondyq kompanııalar tartylýy múmkin.

Kawasaki kompanııasy Túrkistan qalasyndaǵy 50 mvt bý-gaz elektr stansııasyn salý jobasy úshin óz tehnologııasyn usyndy. О́z kezeginde oblys ákimi japondyq ónim sapasyn joǵary baǵalaıtyndyǵyn bildirdi. Aldaǵy konkýrstarǵa qatysýdy usynyp, sáttilik tiledi.

Aıta ketý kerek, bıylǵy jyldyń 8 aıynyń qorytyndysy boıynsha oblysqa Japonııadan jalpy somasy 513 myń AQSh dollaryn quraıtyn taýarlar ımporttalǵan. Onyń basym bóligi avtomobılder men olardyń jıyntyqtary, gerbısıdter men elektr quraldary. Qazaqstanda qazirdiń ózinde japon kapıtalynyń qatysýymen munaı men gaz, metallýrgııa, qarjy, taý-ken ónerkásibi, avtomobılderdi kóterme baǵamen satý, elektr baılanysy, aǵash daıyndaý jáne logıstıka sııaqty salalarda 80-ge jýyq kásiporyn jumys isteıdi.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar