Aımaqtar • 08 Qazan, 2019

Qarabalyqta ala elik qaıdan júr?

38 retkórsetildi

Maqsat Shákibaev Qarabalyq aýdanyndaǵy Mıhaılov orman sharýashylyǵyna qarasty qaıyń toǵaıynyń irgesindegi jolmen kele jatyp, aǵash arasynan shyǵa kelgen qos elikti kózi shaldy.

Ormanda qazir elik kóp, tek óziniń qaraýyndaǵy sharýashylyq aýmaǵynda ǵana olardyń sa­ny  myńnan asady. Al aýdan kóle­minde odan da kóp. Qos elik áp degennen Maqsattyń nazaryn erek­she aýdardy. Eliktiń 5-6 aılyq qos laǵynyń biri sur da, biri aǵala. Maqsat qaltasynan uıaly telefonyn ala salyp, olardy sýretke túsire bastady. Kúzgi dala túnerip, jańbyr sirkirep turǵandyqtan telefon fotoapparaty da elikterdi anyq tarta almady. Degenmen ol elikter ormanǵa qaıta kirip, kózden ǵa­ıyp bolǵansha on shaqty ret ba­syp úlgerdi.

– Elikter jyl mezgilderine qaraı túsin ózgertedi. Mysaly, jazda tekeleri kúreń sary, esh­kileri jıren sary bolady. Al qysqa qaraı olardyń túsi surǵa aýysady. Olardyń túsi qazirden ózgere bastaıdy. Myna kórgen aǵala eliktiń arqasy janyndaǵy seriginiń túsi sekildi sur da, ba­sy, jambasy, quıymshaq jaǵy, aıaqtary aq. Osydan bes jyl bu­ryn eliktiń appaq tekesin kórip tańǵalǵanym bar edi. Elik­ter­diń arasynda da albınostary kezdesetin shyǵar? – deıdi Maqsat.

Orman sharýashylyǵy maman­da­rynyń sózine qaraǵanda, óńir­­degi elikterdiń eń kóp úıiri osy Mıhaılov orman sharýa­shy­lyǵynda, jalpy Qarabalyq aýdanynda júredi. О́tken qystyń jumsaqtyǵyna baılanysty elik­terdiń sońyna ergen laq kóp. Ere­sek eshkileri egizden, tipti úsheý­­­den, tórteýden laqtady. Orman sharýa­shyly­ǵynda qyzmet­ke kel­­genine on shaqty jyl bol­ǵa­nymen, Maqsat bala kezinen orman-toǵaıly О́rnek aýylynda ósken. Sondyqtan elikti kúnde kórip ósti dese de senesiń.

– Elikterdiń túsiniń barlyǵy birdeı bolady. Biraq bala ke­zim­nen mundaı appaq nemese ala elik kórmeppin, men osyny qan­daı ózgeris eken dep tań­ǵalyp júrmin, – deıdi ol. Biz qosh­tasarda Maqsattan qyzmetin suradyq.

– Bizdi burynǵydaı «eger», ıaǵnı «qoryqshy» demeıdi, «ohotoved» – «ańtanýshy» dep ataı­tyn bolǵan. Mıhaılov or­man sha­rýa­shy­lyǵynyń ańtaný­shy­symyn. Osyǵan da tańǵa­la­myn, qazaqtyń jal­paq tili­men «qo­ryqshy» dese de osy jumy­sym­nyń maǵynasy buzylmaıdy ǵoı? – deıdi  ańtanýshy.

– Qyzmetińniń aty da kórgen aǵala eligiń sııaqty eken ǵoı?!, – deımiz biz. Maqsat kúledi, biraq kúl­kisiniń mazasy joq.

 Qostanaı oblysy,

Qarabalyq aýdany

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar