«О́mirbulaq»: Mesenat týǵan aýylyna mahabbat eskertkishin turǵyzdy

Taldyqorǵan men Tekeli qa­la­­laryn jalǵap jatqan kúre jol boıyndaǵy bulaq basyna qoıylǵan eskertkishke mesenat 20 mıllıon teńge qara­jat jum­sapty. «Týǵan jer» baǵdar­lamasy aıa­synda ózi ós­ken ólkeni órkendetýge úles qosyp júrgen ǵalym endi bul jerde júrek jarastyǵymen sha­ńy­raq kóteretin jubaılar kelip, ómir bula­ǵynan birge sýsyndaıtynyna se­nimdi.

– Biz zaıybym Káshıpa ekeý­miz de osy Jetisý aýylynyń orta mek­tebinde oqyǵanbyz. Ekeý­miz tuńǵy­sh ret osy bulaq basynda tanysyp, keıinnen dám-tuzy­myz jarasyp, shańyraq kóterdik. Uldarymyzdy uıaǵa, qyz­darymyzdy qııaǵa qondy­ryp, nemerelerdiń qyzyǵyn kórip otyrmyz. Mine, ekeýmiz­diń otaý qurǵanymyzǵa ta­bany kúrekteı elý jyl tolyp otyr. Jar­tyǵasyrlyq mereı­toıy­myz­dyń qurmetine osy mahabbat eskert­ki­shin ornatyp otyrmyz. Ondaǵy maq­satymyz – osy tasmúsin máńgilik mahab­battyń sımvoly retinde osynda kelip, bulaqtyń sýynan dám tatqan jas jubaılardyń da mahabbattarynyń móldir bolýyna yqpal etip, bizdiń jolymyzdy bersin degen tilegimiz edi, – dedi músinniń ashylýynda sóz alǵan Qonaev atyndaǵy zań akademııasynyń rektory О́miráli Jalaırı.

Osy eskertkish-stellanyń ashylý qarsańynda О́miráli Shákárápuly men jary Káshıpa apaıdyń otaý qur­­ǵanyna 50 jyl tolypty. Altyn toıdyń kýási bolyp, mahabbat ste­l­la­synyń ashylý saltanatyn kórýge ob­lystyq máslıhattyń hatshy­sy Sul­tan Dúısenbınov, ob­lystyq Má­denıet saraıynyń dırektory Álı Alpysbaev, «Jetisý» gazetiniń bas redaktory Ámire Árin, oblystyq Má­de­nıet basqarmasynyń bas­shysy Marlen Kólbaev, Eskel­di aýdanynyń ákimi Raýan Ra­qymbekov, Tekeli qalasynyń ákimi Baqtııar О́nerbaev, Kóksý aýda­nynyń ákimi Almas Ádil jáne  qazaq estradasynyń tanymal akterleri  qa­tysty. Sharada sóz alǵan Sultan Dúı­senbınov ıgi iske arqaý bolǵan mesenat О́miráli Shákárapulyna alǵys bildirip, aldaǵy ýaqytta da «Rýhanı jańǵyrý» baǵdarlamasy aıasynda jú­ıeli ister atqarylatynyna senimi zor ekenin bildirdi. Son­daı-aq jańa ómirge aıaq basyp, otaý qurǵaly turǵan 2 jup osy mahabbat eskertkishiniń ja­nyna kelip, qýanyshty sáttiń kýási bol­dy. Jas ju­baılarǵa qýanysh ıele­riniń atynan shaǵyn syılyq tabystaldy.

Almaty oblysy