Qoǵam • 08 Qazan, 2019

Qazaqstandyqtardy elektrondy temekiden bas tartýǵa shaqyrdy

164 retkórsetildi

Qoǵamdyq densaýlyq saqtaý ulttyq ortalyǵy AQSh-taǵy epıdemııaǵa baılanysty qazaqstandyqtarǵa veıpıngtan bas tartýdy usyndy. Bul týraly ortalyqtyń baspasóz qyzmeti habarlady. 

«AQSh-ta elektrondy temekilerdi shekken adam óliminiń besinshi jaǵdaıy tirkeldi. AQSh Densaýlyq saqtaý mınıstrligi elektrondy temekini paıdalanýdan paıda bolatyn belgisiz aýrýǵa baılanysty, adamdardy olardan bas tartýǵa shaqyrýda. Búgingi tańda veıpıngpen baılanysty tynys alý júıesiniń problemasymen emdeýge jatqyzylǵan 500-den asa jaǵdaı tirkelgen. Aıryqsha taralǵan aýrý belgileri jótel, keýdeniń aýyrsynýy, aýanyń jetispeýi, qaltyraý, bas aýrýy, esten tanyp qalý, dıareıa, anoreksııa, salmaq joǵaltý jáne t.b. boldy. Bronhoskopııa bul aýrýdyń juqpaly emes ekendigin anyqtaýǵa múmkindik berdi. Rentgenogramma ókpeniń astyńǵy bóliginiń kúńgirttengenin, kompıýterlik tomografııa - ókpe alveolary úlpildeliginiń tómendegenin kórsetti», delingen habarlamada. 

Áýeli bastan elektrondy temekiler men veıperler shylym shegýdi tastaýǵa nemese 18 jastan joǵary adamdar úshin zııandy ádettiń zalalyn tómendetýge kómektesetin qural retinde usynylǵan. Alaıda sońǵy jyldary olar mektep oqýshylary men jastar arasynda tanymal bolyp ketti. 

Veıptiń negizgi komponentteri nıkotın, propılenglıkol – E1520 taǵamdyq qospasy, glıserın, sý jáne ıistendirgishter (aromatızatorlar).

Garvard ǵalymdary elektrondy temekilerge arnalǵan birrettik kartrıdjderdiń 75 belgili markasy men veıpterge qaıta quıatyn suıyqtyqtardy zerttegen. Nátıjesinde demikpeni, ókpeniń qabynýy men qyzmetin tómendetetin aýrýlardy týdyratyn bakterııalyq jáne zeńdik toksınderdiń izderin anyqtaǵan. Bakterııalyq toksınder jemis dámi bar veıpterde jıi kezdesti, al zeńdik toksınder temeki jáne mentol ıisi bar toltyrmalarda kezdesken.

«Búgingi tańda oryn alǵan jaǵdaılarǵa baılanysty, búkil álemniń ǵalymdary Dúnıejúzilik densaýlyq saqtaý uıymymen birlesip elektrondy temekilerdiń adam densaýlyǵyna tıgizetin zalalyn zerdeleýde, alaıda biz ózimizdi jáne balalarymyzdy AQSh-ta bolǵan epıdemııaǵa uqsas jaǵdaıdan qorǵaýymyz qajet. Osyǵan baılanysty, Qoǵamdyq densaýlyq saqtaý ulttyq ortalyǵy qazaqstandyqtarǵa elektrondy temekilerden bas tartý múmkindigin qarastyrýdy usynady. Veıpterdi qaýipsiz dep sanaýǵa bolmaıdy. Onyń quramynda kanserogendermen birge aǵzany ýlaıtyn áleýetti zııandy qosyndylar men ýytty qospalar bar, sondaı-aq metall izderi nemese qyzdyrǵysh elementtiń, ne temeki qurylǵysynyń basqa bóliginiń izderi bar. Budan basqa, devaıstar atylyp, tutynýshy adamdy jaraqattaýy múmkin», delingen ortalyq taratqan aqparatta.

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar