Konferensııa arhıv salasyndaǵy yntymaqtastyq jónindegi Qazaqstan - Reseı komıssııasynyń 2018 jyldyń 5 sáýirinde ótken Birinshi otyrysynda bekitilgen reseılik jáne qazaqstandyq arhıvısterdiń birlesken is-sharalar josparyna sáıkes ótkizilip otyr.
Jasyratyny joq, sońǵy jyldary Qazaqstannyń ǵylym men ınjenerııa, sondaı-aq tehnıka salasynyń tarıhy, tarıh sahnasyndaǵy zııaly qaýym ókilderiniń róli – ǵylymı mekemeler men zertteýshilerdiń nazarynan tys qalyp júr.
Osy baǵyttaǵy is-sharalardyń tolymdy bolýy úshin arhıv tarıhı taqyryptaǵy konferensııany ekinshi ret ótkizip otyr. Birinshi ret «Tarıhtaǵy adam: Qazaqstannyń ǵylymı, ınjenerlik jáne tehnıkalyq ıntellıgensııasynyń derekkózderi, 1920-1950 jyldar» atty Halyqaralyq ǵylymı-tájirıbelik konferensııasy 2017 jyldyń sáýirinde Almaty qalasynda ótken bolatyn.
«О́tkenimizdi umytsaq, bolashaq bizdi keshirmeıdi», – deıdi dana halqymyz. Álbette, Elbasymyz Nursultan Nazarbaevtyń «Qazaq tarıhynda qazaq uıalatyn eshteńe joq» degen bir aýyz sóziniń ózi bizdiń keýdemizge maqtanysh sezimin uıalatady. Biz de el tarıhyna qatysty qundy qujattardy jınaqtap, qazaqtyń endigi tarıhynda da sondaı izgi iz qaldyrý úshin qyzmet ete berýimiz kerek. Bul jumys ásirese «Qazirgi Qazaqstannyń 100 jańa tulǵasy» jobasyn jáne «Arhıv – 2025» memlekettik baǵdarlamasyn júzege asyrý turǵysynan ózekti bolyp otyr. Bizdiń zamandastarymyzdyń eldiń keleli máselelerin sheshýge qosqan naqty úlesin rastaıtyn qujattamalyq bazany qalyptastyrý jáne ony únemi jumys barysynda tolyqtyryp otyrý qajettigin aıta ketkim keledi, dedi Ortalyq memlekettik ǵylymı-tehnıkalyq qujattama arhıvi RMM dırektory Baıan Jumataeva óz sózinde.
Konferensııada ótken kezeńderdi zerdeleýdegi arhıvtik derekkózderdiń róli, qujattyq muralardy paıdalaný máseleleri, HH ǵasyrdyń sońynda otandyq ǵylym men tehnıkanyń damýyna eleýli úles qosqan, bul kúnde jadymyzdan óshe bastaǵan tulǵalarǵa qatysty tarıhı ádilettilikti ornatý syndy máseleler talqylandy. Konferensııa qatysýshylarynyń arhıv qorlarynyń negizinde daıyndalǵan tarıhı-qujattyq kórme usynyldy.
