Ekonomıka • 09 Qazan, 2019

Qarjy qyzmetin tutynatyndardy qorǵaıtyn platforma: Almatyda AHQO qarjy forýmy ótti

22 ret kórsetildi

«Astana» HQO halyq­aralyq ınvestorlar apta­lyǵy aıasynda Al­maty qalasy ákim­digimen bir­lesip qarjy forýmyn ót­kizdi. Qala ákimi Baqyt­­jan Saǵyntaev pen AHQO ba­sqarýshysy Qaırat Kelim­betov qa­tys­qan fo­rým­­ǵa shahar­dyń isker toptary jınaldy.

Búginde 26 eldiń 250-den astam kompanııasy AHQO qyz­metin paıdalanady. Q.Kelim­betov olardyń arasynda ár­túrli iri kompanııalar, álemdik kom­mersııalyq bankter bar ekenin aıtty. Ortalyq 10 jyl ishinde kompanııalar sanyn myńǵa jetkizýdi  josparlap otyr. Q.Kelimbetovtiń aıtýyn­sha, Qazaqstan  ınvestısııa­lar­dy óte jaqsy qabyldady, degenmen kelesi deńgeıge kóte­rilip, eki ese tartymdy bolý úshin kóp jumys isteý kerek.

«Halyqaralyq qarjy orta­lyǵy aıasynda, ınvestorlar talabyna jaýap beretin plat­formanyń birneshe deńgeıi bar. Birinshiden, bul quqyqtyq alań. TMD elderi arasynda biz­ jeke quqyq qaǵıdattary men nor­malaryna negizdelgen jeke kommersııalyq, kelisim­sharttyq zańdy qoldanatyn jal­ǵyz elmiz. Ekinshi baǵyt – ret­tegish. Biz ózimizdiń retteýi­shimizdi qurdyq. Bul qarjy ıns­tıtýttaryn tirkeýge jáne qar­jylyq lısenzııa berýge múm­kindik beredi. Quqyqtyq ortadan keıin biz usynatyn óte ma­ńyzdy deńgeı – qarjylyq plat­forma. Sizder amerıkalyq kom­panııamen birlesken ja­ńa bırjanyń qurylǵanyn bilesizder. Biz álemdegi ekinshi bırjamyz, óz tehnologııamyzdy bel­sendi túrde taratýdamyz. Bul mańyzdy qadam boldy. О́ıt­keni, kapıtal naryǵyn qaıta bastaý úshin ortalyqqa banktik nesıelendirý ǵana emes, kapıtal naryǵynda qar­jy­­lan­dyrýdyń jańa quraly da qajet», dedi Q.Kelim­betov. Sony­men qatar ol túrli ınves­tısııalyq qorlar­ǵa lısenzııa beriletindigin atap ótti. Jýyr­da qazaqstandyq je­ke ın­­ves­tısııalar qory qu­ryl­­dy. Búgingi tańda jarǵylyq ka­pı­­talda 70 mıllıard teńge bar.

«Biz platformamyzdyń bir­neshe deńgeıin biriktirgimiz keledi. Qarjylyq, zańdyq, tehnologııalyq bólim bizge alǵa jyljýǵa múmkindik beredi», dedi AHQO basqarýshysy.

B.Saǵyntaev óziniń qut­tyq­taý sózinde Almatyda Qazaq­stannyń salyq tóleıtin iri kompanııalarynyń úshten biri, 30-dan astam transulttyq kom­­pa­nııa, bankterdiń bas keńse­leriniń 86%-y, birikken kásip­oryndar men iri halyq­ara­lyq uıymdardyń 43%-y or­na­las­qanyn atap ótti. Almaty – 36 mıllıard dollar ekonomıka­sy bar Ortalyq Azııanyń eń damyǵan megapolısi.

«Biz aldymyzǵa jahandyq qala bolý, ómir súrý sapasy ári eko­nomıkalyq múmkindikteri jaǵynan úzdik 100 megapolıs qataryna ený syndy uzaq mer­zimdi mindet qoıyp otyrmyz. Almaty halqynyń sany qala mańyndaǵy turǵyndardy qosa eseptegende qazirdiń ózin­de úsh mıllıonǵa jaqyndap qaldy, al 2030 jylǵa qaraı bes mıl­lıon­ǵa jetýi múmkin», dedi B.Saǵyntaev.

Ákim shet aımaqtardy qala standarttaryna saı damytý jónindegi «Jańa Almaty» úsh jyldyq josparyn júzege asy­rý úshin 800 mlrd teńgege jýyq bıýdjet qarjysy men jeke ınvestısııa qajet eke­nin, sol arqyly shahardaǵy bas­tamalardyń oryndalýyn jáne almatylyqtardyń tur­mys jaǵdaıyn jasqartýdy qamtamasyz etetin salyq túsi­min arttyrýǵa bolatynyn aıtty.

Almaty ákimdigi «As­tana» HQO-da tirkelgen ınves­tı­sııalyq qormen ynty­maq­­ta­styqty qalyptastyrýdy jos­parlaýda. B.Saǵyntaev Úki­metpen birge bıznes júr­gizýde ákimshilik kedergilerdi azaıtý, tirkeý resimderin jeńil­detý úshin sharalar paketiniń qolǵa alynǵanyn atap ótti.

«Almatynyń Indýstrııa­lyq aımaǵynda memlekettik bıýdjet esebinen biregeı ınfra­qurylym qalyptasty, sonymen qatar «Innovasııalyq tehnologııalar parki» AEA-da salyq tó­leý jáne basqalary boıynsha jeńildikter qarastyrylǵan», dedi qala ákimi.

Aıta keterligi, megapolıs­te bıznesti qoldaýdyń bir­qa­tar konsaltıngtik jáne qar­jylyq sharalary júzege asýda. Mysa­ly, Qoldaý kásipkerlikti qold­aý ortalyǵy bızneske bir­ tere­ze qaǵıdasy boıynsha­ mem­lekettik qyzmetter men tegin kon­­sal­tıngtik qyzmetter kór­setedi. «Almaty Finance» kom­panııasy men «Almaty» mıkro­qarjy uıymy shaǵyn jáne orta bıznesti qoldaý úshin 2%-dan 7%-ǵa deıin jeńil­detilgen nesıe beredi.

«Jalpy biz keler jyldan bastap shaǵyn jáne orta bız­nesti qarjylyq qoldaý kóle­min úsh ese ulǵaıtýdy jos­­parlaýdamyz. Bıyl bul kór­­setkish 11,5 mıllıard teń­gege, keler jyly 30 mlrd teń­­­gege jetýge tıis. Odan ári she­­­shim qabyldaý úshin sarapta­ma bazasyna súıene otyryp, onyń ishinde ákimdiktiń sıtýa­sııalyq ortalyǵy men Big Data negizinde qoldaý sharalaryna túzetý engizetin bolamyz», dep atap ótti megapolıs basshysy.

B.Saǵyntaev áleýetti ınvestorlar úshin taýarlardy óńdeý jáne qaıta óńdeý, kólik-logıstıka qyzmeti, týrızm salalarynyń perspektıvaly baǵyttar ekenin jetkizdi. Osy ómirsheń salalarda jańa óndi­ris ashýǵa zor yqpal etetin krea­­tıvti ekonomıkaǵa erekshe na­zar aýdarǵan jón.

Qazaqstandyq qarjy forý­my – tutynýshylar qu­qyn qorǵaý, AHQO-nyń bıznes­ti damytýǵa beretin múmkin­dikterin talqylaıtyn alań. Forýmnyń maqsaty – AHQO-da júrgiziletin ınvestısııa tartýdyń negizderi jáne bıznes júrgizýdiń sharttary týra­ly habardar etý, sonymen qa­tar qarjy qyzmetin tutyný­shy­lardy qorǵaý.

Alqaly jıynda AHQO sarapshylary spıker retinde qar­jy qyzmetin, qarjy tehnologııasyn, «jasyl» oblıga­sııa men ıslam oblıgasııasyn shyǵarýdy retteý, baǵaly qaǵazdar naryǵyn ınvestısııa­laý, sonymen qatar úzdiksiz kásibı damý týraly jan-jaqty maǵlumat berdi. Bul forým  spı­kerlerdiń ádettegi monology formatynda emes, zaldaǵy qatysýshylarmen aradaǵy qyzý pikir­talas sıpatynda boldy. Barlyq qatysýshylarǵa máse­leni sheshý joldary týraly tájirıbe, aqparat jáne jańa derektermen almasý múmkindigi berildi.

 

ALMATY

 

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar