Sport • 09 Qazan, 2019

Álemdik reıtıngtiń úzdikter sanatynda úsh órenimiz bar

31 retkórsetildi

Bul kúnderi dzıýdo salasynyń maıtalman mamandarynan bastap, qatardaǵy qarapaıym kórermenge deıin árbir dúbirli doda aıaqtalǵan saıyn jańaryp turatyn álemdik reıtıngke únemi úńilýde. Sebebi kelesi jyly Japonııa astanasynda alaýy tutanatyn XXXIII jazǵy Olımpııa oıyndaryna qatysatyn balýandar tek osy tizim arqyly anyqtalady. Iаǵnı, aıtýly reıtıngte barynsha joǵary turǵan sportshylardyń Tokıo tatamıine tabany tııý múmkindigi soǵurlym arta túsedi. Mine, barlyq gáp osynda.

Áńgimemizdiń álqıssasyn erlerdiń álemdik reıtınginen bastasaq. Búgingi tańda «TOP-10» dzıýdoshynyń sanatyna Qazaqstannyń úsh balýany enip otyr. Eń úzdik nátıje áıgili Eldos Smetovke tıesili. 60 kılo salmaq dárejesinde beldesetin qandasymyz tórtinshi oryndy ıelenýde. Árıne oǵan tańdanýǵa bolmas. О́ıtkeni Ǵalymjan Jylkeldıevtiń shákirti ózi qatysqan jarystardyń kóbinen oljaly oralyp júr. Sońǵy ret ol tamyz aıynyń sońynda Tokıoda ótken álem chempıonatynda qola medaldy moınyna ildi. Dál sol salmaqta kúsh synasyp júrgen Ǵusman Qyrǵyzbaev úzdik ondyqty qorytyndylap tur. Ol bıylǵy dúnıejúzilik dodada besinshi satyǵa taban tiredi. Al 66 kılo salmaqta kúresetin Erlan Serikjanov toǵyzynshy orynǵa turaqtady. Mine, búgingi tańdaǵy elimizdiń eń úzdikteri – osy dzıýdoshylar.

Eldos Smetov, Erlan Serikjanov jáne Ǵusman Qyrǵyzbaevtan bólek, Eldos Jumahanov (66 kılo), Islam Bozbaev (90 kılo) jáne Dıdar Hamza (81 kılo) syndy qyrandarymyzdyń da qadamy táýir. Iá, bul qandastarymyzdyń bıylǵy álem chempıonatynda óte nashar óner kórsetkeni ras. Barlyǵy da alǵashqy aınalymdardan asa almady. Alaıda, soǵan qaramastan osyǵan deıingi jarystarda jıǵan upaı qorlarynyń arqasynda olar bul kúnderi «TOP-20» balýannyń qataryna qosylyp otyr. Naqtylap aıtsaq, álemdik reıtıngte Eldos pen Islam – 11 jáne Dıdar 18-oryndardy enshileýde.

Joǵarydaǵy jaıttardy saralaı kele, 60 jáne 66 kılo salmaq dárejelerinde óner kórsetip júrgen órenderimizdiń óneri kópshilik kóńilinen shyǵýda dep aıta alamyz. Sebebi Smetov pen Qyrǵyzbaev jáne Serikjanov pen Jumahanov túrli alamanda úzeńgi qaǵystyryp, bir-birinen qalyspaı keledi. Barlyǵynyń kózdegeni – Olımpıada joldamasy. Eger Tokıodaǵy jarysta ár salmaqta bir-bir balýannan ǵana baq synaıtynyn eskersek, onda olardyń aldaǵy ýaqytta namystaryn qamshylaı túsetini anyq. Sol sekildi 81 jáne 90 kılo salmaq dárejelerindegi jaǵdaıymyz da jaman emes. Áıteýir Hamza men Bozbaev syndy saıypqyrandarymyz túrli jarystarda júlde alyp, kóshten qalmaı keledi.

Dáp qazir bizdi 73 kılo salmaqtaǵy jaǵdaı qatty alańdatady. Osyǵan deıin táp-táýir kúresip júrgen Jansaı Smaǵu­lov­tyń qarqyny ýaqyt ozǵan saıyn báseń­dep barady. Jaýapty jarystarda jıi utylyp júrgen qazaq dzıýdoshysy qazirgi kezde nebári 22 oryndy qanaǵat tutýda.

Al 100 jáne +100 kılo salmaqtaǵy jaǵdaıymyz tipten múshkil. Shyny kerek, qazirgi kezde osy salmaq dárejelerinde halyqaralyq dodalarda el namysyn abyroıly qorǵaýǵa kúsh-qýaty men áleýeti jetetin birde-bir balýandy kóre almaı otyrmyz. Qazaqstannyń eń beldi degen balýandarynyń ózderi qalyń toptyń arasynda qalyp qoıýda. Máselen, búgingi tańda Erasyl Qajybaev (+100 kılo) – 33-orynǵa jáne Vıktor Demıanenko (100 kılo) 45-satyǵa taban tirep tur.

Búgingi tańda álemdik reıtıngte Grýzııanyń qos birdeı alyby jeke-dara kósh bastap tur. Tarqatyp aıtsaq, Rıo Olımpıadasynda kúmis medaldy ıelenip, álem chempıonatynda bes márte jeńis tuǵyryna kóterilgen 30 jastaǵy Varlam Lıpartelıanı 100 kılo salmaqta aldyna jan salar emes. Al álem jáne qurlyq chempıony, Eýropa oıyndarynyń jeńimpazy degen dardaı ataǵy bar 24 jastaǵy Gýram Týshıshvılı +100 kılo salmaq dárejesinde daralanýda.

90 kılo salmaqta Nıkoloz Sheraza­dısh­vılı shashasyna shań juqtyrmaı keledi. 23 jastaǵy balýan Pıreneı túbe­ginde turyp, sol eldiń namysyn qorǵap júrgenimen, onyń tegi – grýzın. Kezin­de ata-anasymen birge ol Ispanııaǵa qonys aýdarǵan. Aınaldyrǵan bes jyl araly­ǵynda Nıkoloz aýyz toltyryp aıtar­lyqtaı tabysqa qol jetkizip otyr. Ol – 2018 jylǵy álem chempıony jáne Eýropa birinshiliginiń qola júldegeri.

73 kılo salmaq dárejesinde Qap taýy­nyń taǵy bir qyrany Rýstam Orýdjevtiń aldyna túser eshkim tabylar emes. 27 jastaǵy Ázerbaıjan balýanynyń Rıo Olımpıadasy men álem chempıonatynyń eki dúrkin kúmis júldegeri jáne Eýropa chempıony degen ataqtary bar.

81 kılo salmaqta Izraıldiń ókili Sa­gı Mýkıdiń mereıi ústem. Ol da 27 jasta. Mý­kı 2015 jyly Eýropa oıyndarynda, 2018 jyly qurlyq birinshiliginde jáne 2019 jyly álem chempıonatynda top jardy.

Dzıýdo kúresiniń otany – Japonııa ekeni barshaǵa málim. Alaıda, sol eldiń bir ǵana tatamı sheberine dáp osy kúnderi álemdik reıtıngte kósh bastaý baqyty buıyrǵan eken. Ol – Djýshıro Marýıamo. Tokıodaǵy álemdik dodada dara shyqqan 26 jastaǵy Kúnshyǵys eliniń ókili 66 kılo salmaq dárejesiniń úzdigi atanyp otyr.

60 kılo salmaqta О́zbekstannyń óreni Sharafýddın Lýtfýllaevtyń tegeýrini kúshti. Osyǵan deıin Dıorbek Ýrozboevtyń kóleńkesinde qalyp júrgen 29 jastaǵy balýan bıylǵy álem chempıonatynda ózin keremet qyrynan kórsetip, kúmis medaldy keýdesinde jarqyratty. Sonyń nátıjesinde Lýtfýllaev álemdik reıtıngte birinshi orynǵa kóterildi.

Al «TOP-10» dzıýdoshynyń qatarynda qaı memleket ókilderiniń qarasy mol ekeni jaıynda aıtar bolsaq, Japonııa quramasy ózgelerden kóshi ilgeri. Úzdikter tiziminde Kúnshyǵys eliniń 10 sańlaǵy bar. Ekinshi jáne úshinshi oryndarda – Grýzııa men Izraıl. Qap taýynyń – jeti jáne Izraıldiń alty tatamı sheberi myqtylar sanatynda.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar