Chak-chak daıyndaýdan saıys ótti

Birneshe jyl qatarynan uıym­dastyrylyp kele jatqan baı­qaýdyń sharty boıynsha ta­ǵamnyń dámi, daıyndaý tásili nazarǵa alyndy. Is-sharaǵa qaty­sýshylar «Qus tili», «Orama», «Sáýkele», «Báıterek» sekildi ataý berilgen 10-nan as­tam chak-chak túrinen dám tatyp, arnaıy da­ıyndalǵan konserttik baǵdar­lamany tamashalady.

Baıqaý qorytyndysy boıyn­sha birinshi orynǵa Zýlfııa Bog­danova daıyndaǵan «Qus tili» chak-chagy laıyqty dep tabyldy. О́zge jeńimpazdar alǵys hattar jáne baǵaly syılyqtarmen marapattaldy.

«Chak-chak – maı men sútke ılengen qamyrdan jasalyp, bal aralastyrylǵan taǵam. Tatar ult­tyq ashanasynyń maqtanyshy sanalady. Ony negizinen jas jubaılardyń ómiri baldaı tát­ti bolsyn degen nıetpen úı­lený toılarynda dastarqanǵa qoıady. Sonymen qatar qadirli qonaqtarǵa erekshe as retinde usy­nady», deı­di Shymkent qalalyq tatar-bash­qurt etnomádenı bir­les­tiginiń tór­aıymy Asıa Mýham­me­dova.

Tatar men bashqurt etnos­tarynyń tili men mádenıetine arnalǵan is-sharada qalalyq Qazaqstan halqy Assambleıasy tóraǵasynyń orynbasary Mu­ratáli Qalmuratov tutastyqty tý etken osyndaı ıgi sharalar arqyly eldiń bereke-birligin nyǵaıtýdyń mańyzdylyǵyn sóz etti.

Aıta ketý kerek, búginde Shym­kentte 10 myńnan astam tatar men 400-ge jýyq bashqurt ulty­nyń ókilderi turady. О́z bolashaǵyn Qazaq­­stanmen baılanystyrǵan olar elimizdiń ál-aýqatyn arttyrý jolynda túrli salalarda jemisti eńbek etýde. Qalalyq tatar-bashqurt etno­mádenı birlestigi qala kóle­minde uıymdastyrylatyn is-sha­ralarǵa belsene qatysyp keledi.

ShYMKENT